پاکستان کا پانچ رکنی وفد وفاقی وزیر برائے ریونیوحماد اظہر کی قیادت اجلاس میں شرکت کررہا ہے۔ وفد میں ڈائریکٹر جنرل فنانشل مانٹرنگ یونٹ، وزارت خارجہ کے ڈی جی اور وزارت خزانہ کے لیگل ایڈوائزر بھی شامل ہیں۔
میڈیا رپورٹس کے مطابق پاکستان کو گرے لسٹ سے نکل کروائٹ لسٹ میں جانے کے لیے 15 ووٹوں کی ضرورت ہے جس کے حصول کے لیے وزیراعظم عمران خان مختلف سربراہان مملکت سے رابطے کیے ہیں۔
ذرائع کے مطابق بھارت کی پاکستان کو بلیک لسٹ میں ڈالنے کی کوشش دو بار ناکام ہوئی ہے، بھارتی سازش کی کسی بھی ملک نے حمایت نہ کی۔
بھارت کی جانب سے مسعود اظہر کے معاملے کو بار بار اچھالنے کی کوشش کی گئی جس ارکان نے رائے دی ہے کہ پاکستان موثر اقدامات کررہا ہے اور اس کے کئی اقدامات لائق تحسین ہیں۔
ارکان نے بھارتی وفد کو مشورہ دیتے ہوئے کہا کہ پاکستان نے مسعود اظہر کیخلاف جو بھی کیا وہ اس کی جمع کی گئی رپورٹ میں موجود ہے، رپورٹ کا مطالعہ کریں۔
ذرائع کے مطابق پاکستان کے 27 میں سے 14 نکات پر مکمل عملدرآمد کی ہر سطح پر پزیرائی ہوئی ہے۔
ارکان کی سفارشات کے مطابق پاکستان کو گرے لسٹ سے نکلنے کیلئے کچھ مزید اقدامات کرنا ہوں گے جس لئے اکتوبر تک مزید وقت دیئے جانے کا امکان ہے۔
خیال رہے اس وقت تک پاکستان کو چین، ترکی، سعودی عرب، ملائیشیا اور خلیجی ممالک کی جانب سے ووٹ ملنے کی یقین دہانی کرائی جا چکی ہے۔
ترکی کے صدر طیب ایردوان نے اپنے دورہ پاکستان کے دوران پارلیمنٹ کے مشترکہ اجلاس سے خطاب میں یقین دلایا ہے کہ دباؤ کے باوجود ترکی ایف اے ٹی ایف اجلاس میں پاکستان کی حمایت کرے گا۔
اس سے قبل چین نے بھی ایف اے ٹی ایف کی جانب سے بلیک لسٹ کئے جانے کے معاملے پر پاکستان کی بھرپور حمایت کا اعلان کیا تھا۔
from سچ ٹی وی اردو - تازہ ترین خبریں https://ift.tt/39HiZHY
0 comments: