بدھ کے روز اسٹاک مارکیٹ میں کاروبار کا آغاز 41 ہزار 904 کی سطح سے ہوا اور ابتدائی ایک گھنٹے کے دوران 100 انڈیکس میں 169 پوائنٹس کی کمی دیکھی گئی ہے۔
ماہرین کے مطابق خطے میں امریکہ اور ایران کی کشیدگی کے منفی اثرات دنیا بھر کی اسٹاک مارکیٹس کی طرح پاکستان کی مارکیٹ پر بھی پڑ رہے ہیں۔
ایران کی جانب سے عراق میں امریکی ایئربیس پر حملے کے بعد جاپان نکئی انڈیکس2.4 فیصد سے زیادہ گر گئی ہے۔
گزشتہ روز پاکستان اسٹاک مارکیٹ 608 پوائنٹس اضافے کے ساتھ 41 ہزار 904 پوائنٹس پر بند ہوئی۔
کاروباری ہفتے کے دوسرے روز منگل کو اسٹاک مارکیٹ میں بہتری نظر آئی۔ کے ایس ای 100 انڈیکس میں کاروبار کا آغاز 41 ہزار 296 پوائنٹس پر ہوا اور ابتدائی ایک گھنٹے کے دوران انڈیکس 499 پوائنٹس اضافے کے ساتھ 41 ہزار 795 پوائنٹس پر ٹریڈ کرتا نظر آیا۔
کاروبار کے دوران انڈیکس میں سب سے زیادہ 665 پوائنٹس کا اضافہ بھی ریکارڈ کیا گیا اور انڈیکس 41 ہزار 961 پوائنٹس پر ٹریڈ کرتا نظر آیا۔
کے ایس ای 100 انڈیکس میں کاروبار کے دوران 14 کروڑ، 25 لاکھ، 11 ہزار 70 شیئرز کی لین دین ہوئی جس کی مالیت پاکستانی روپوں میں 7 ارب، 93 کروڑ، 36 لاکھ، 40 ہزار 151 بنتی ہے۔
گزشتہ روز مشرق وسطیٰ کی کشیدہ صورتحال کے اثرات پاکستان اسٹاک مارکیٹ پر بھی پڑتے ہوئے دکھائی دیئے جس کے باعث اسٹاک مارکیٹ 1027 پوائنٹس کی کمی پر بند ہوئی تھی۔
ماہرین کے مطابق امريکا ايران کشيدگی کی وجہ سے سرمايہ کار محتاط ہيں اور عالمی اسٹاک مارکيٹ ميں بھی مندی کےاثرات ہيں۔
from سچ ٹی وی اردو - تازہ ترین خبریں https://ift.tt/2FvdT4p
0 comments: