ڈاکار ریلی 2020 کے پہلے مرحلے میں جدہ اور الوجہ کے درمیان خوفناک حادثہ پیش آیا جب بے قابو ہونے والی گاڑی میں اچانک شعلے بھڑک اٹھے۔
گاڑی میں موجود معروف فرانسیسی ڈرائیور رومن ڈومس اور کو ڈرائیور الیگزنڈر گاڑی کے بے قابو ہونے کے بعد چھلانگ لگا کر باہر نکلے اور صرف چند سیکنڈز کے وقفے سے گاڑی میں آگ بھڑک اٹھی۔
دونوں ڈرائیورز حادثے سے بال بال بچے اور اپنی گاڑی کو شعلوں کی نذر ہوتا دیکھتے رہے۔
یہ فرانسیسی ڈرائیور رومن ڈومس کی چوتھی ڈاکار ریلی ہے، وہ اس سے قبل کئی کار ریسنگز اپنے نام کرچکے ہیں۔
خیال رہے کہ دنیا کی سب سے زیادہ دیکھی جانے والی ڈاکار ریلی 2020 پہلی بار سعودی عرب میں منعقد ہورہی ہے۔ ڈاکار 2020، 12 مرحلوں پر مشتمل ہوگی جس میں سعودی صحرا کا 7 ہزار 500 کلو میٹر فاصلہ طے کیا جائے گا۔
ریلی میں شامل ڈرائیور ریت اور کنکریوں کے 676 کلو میٹر طویل علاقے سے گزریں گے۔ اتوار سے شروع ہونے والی ڈاکار 2020، 13 روز تک جاری رہنے کے بعد 17 جنوری کو اختتام پذیر ہوگی۔
from سچ ٹی وی اردو - تازہ ترین خبریں https://ift.tt/2tuhLQC
0 comments: