متنازع شہریت قانون پر مودی کو منہ کی کھانی پڑی، بالی وڈ کی طرف سے پڑا طمانچہ

بھارتی حکومت کی جانب سے ’متنازع شہریت قانون‘ پر بریفنگ کے لیے بلائے گئے ایک اہم ترین اجلاس میں بولی وڈ کے کسی بھی بڑے اداکار یا اداکارہ نے شرکت سے انکار کرکے حکومت کو پریشانی میں ڈال دیا۔

نریندر مودی کی ہدایات پر سابق موسیقار اور یونین وزیر پیوش گویل نے ممبئی میں ایک اہم اجلاس بلایا تھا۔

خبر رساں ادارے  نے بتایا تھا کہ اہم ترین اجلاس میں شرکت کے لیے بولی وڈ کی 25 نامور شخصیات کو شرکت کے دعوت نامے بھجوائے گئے اور انہیں بتایا گیا کہ ’متنازع شہریت قانون‘ کے حوالے سے بہت ساری غلط معلومات پھیل رہی ہیں اس لیے درست معلومات کے لیے ان کا حکومتی اجلاس میں آنا لازمی ہے۔

اجلاس 5 جنوری کی شب ممبئی کے ایک نجی ہوٹل میں ہونا تھا جس میں متعدد شخصیات کی شرکت کا امکان تھا۔

تاہم اب بھارتی ٹی وی نے اپنی رپورٹ میں بتایا کہ حکومت کے اجلاس میں کسی بھی معروف بولی وڈ شخصیت نے شرکت نہیں کی۔

’متنازع شہریت قانون‘ پر بولی وڈ شخصیات کو حکومتی معلومات فراہم کرنے والے اجلاس میں ان بولی وڈ شخصیات کو مدعو کیا گیا تھا جو متنازع قانون کے خلاف ہونے والے مظاہروں میں دکھائی دیتے ہیں۔

حکومتی اجلاس میں کسی بھی بڑے اور نامور بولی وڈ اداکار یا اداکارہ نے شرکت نہیں کی تاہم چند جانی پہچانی شخصیات پروگرام میں شریک ہوئیں۔

موسیقار انو ملک، گلوکار شان، کیلاش کھیر اور اروشی روتیلا حکومتی اجلاس میں شریک ہوئیں، ان کے علاوہ ٹی سیریز کے مالک بشن کمار، فلم ساز رتیش سدھوانی، رنویر شورے، کنال کوہلی اور رمیش تارانی بھی اجلاس میں دکھائی دیے۔

خیال کیا جا رہا تھا کہ حکومتی اجلاس میں جاوید اختر، وکی کشال، آیوشمن کھرانہ، روینہ ٹنڈن، بونی کپور، کنگنا رناوٹ اور مدھر بھنڈارکر سمیت دیگر معروف شخصیات شرکت کریں گی تاہم ان میں سے کوئی بھی شخصیت اجلاس میں شریک نہیں ہوئی۔

رپورٹ میں یہ بھی بتایا گیا کہ متنازع شہریت قانون کے مظاہروں میں دکھائی دینے والی اداکارہ ریچا چڈا اور فلم ساز کبیر خان کو بھی اجلاس میں شریک ہونے کی دعوت دی گئی تھی تاہم انہوں نے اجلاس میں نہ جانا ہی بہتر سمجھا۔

 

from سچ ٹی وی اردو - تازہ ترین خبریں https://ift.tt/2QxtEhM

• Tweet
• Share
• Share
• Share
• Share