لائیو شو میں فیصل واوڈا کا بوُٹ دکھانا پڑرہا ہے مہنگا، نا اہلی کی درخواست پر سماعت

وفاقی وزیر فیصل واوڈا کی نا اہلی کے لیے لاہور ہائیکورٹ میں دائر درخواست پر آج سماعت ہو گی۔

چیف جسٹس مامون الرشید شیخ قومی امن ترقی پارٹی کی درخواست پرسماعت کریں گے جس میں وفاقی حکومت اور فیصل واوڈا کو بھی فریق بنایا گیا ہے۔

درخواست گزار کے مطابق فیصل واوڈا نے لائیو شو میں پاکستان مسلم لیگ ن پر بوٹ پالش کرنے اور چاٹنے کے سنگین الزامات عائد کیے ہیں۔

ان کا کہنا ہے کہ میمو گیٹ میں حسین حقانی اور ڈان لیکس کے مجرموں کو قرار واقعی سزا دی جاتی تو ’فیصل واوڈا گیٹ‘‘ واقع پیش نہیں آتا۔ فیصل واوڈا نے پاکستان کے اعلٰیٰ جمہوری و دفاعی اداروں کو بدنام کرنے کی سازش کی ہے۔

انہوں نے موقف اختیار کیا ہے کہ فیصل واوڈا آرٹیکل 62 ون ایف کے تحت پارلیمنٹ و کابینہ کا حصہ نہیں رہ سکتے۔ عدالت الیکشن کمیشن کو فیصل واڈا کو نااہل قرار دینے کا حکم دے۔

خیال رہے کہ لاہور کی مقامی عدالت نے 17 جنوری کو فیصل واوڈا کے خلاف اندراج مقدمہ کی درخواست پر سماعت کی تھی۔ عدالت نے تھانہ پرانی انار کلی کے ایس ایچ او کو نوٹس جاری کرتے ہوئے جواب طلب کر لیا تھا۔

 

from سچ ٹی وی اردو - تازہ ترین خبریں https://ift.tt/38tpr4R

• Tweet
• Share
• Share
• Share
• Share