صدر ڈاکٹر عارف علوی نے اپنے پیغام میں کہا کہ قائداعظم ایک رہنما تھے جنہوں نے برصغیر کے مسلمان کی الگ شناخت ضرورت اور سیاسی سمت کا تعین کیا۔
انہوں نے کہا کہ عظیم قائد کی دور اندیشی اور وژن کا اندازہ آج بھی بھارت اور مقبوضہ کشمیر کی موجودہ صورتحال سے لگایا جا سکتا ہے۔
صدر نے کہا کہ عظیم رہنما کو خراج عقیدت پیش کرتے ہوئے ہمیں متحد رہناچاہئے اور ان کے افکار پر پختہ یقین کا اعادہ کرنا چاہئے۔
وزیراعظم عمران خان نے اپنے پیغام میں کہا کہ قائداعظم کے یوم پیدائش پر انہیں خراج عقیدت پیش کرنے کا بہترین طریقہ یہی ہے کہ ان کے ایمان اتحاد اور نظم و ضبط کے سنہری اصولوں پر عملدرآمد یقینی بنایا جائے۔
انہوں نے کہا کہ آج پوری دنیا بھارتی آئین کے نام نہاد سیکولر ہونے کے دعوے کو دیکھ رہی ہے جہاں اقلیتوں کے ساتھ امتیازی سلوک اور ظالمانہ کارروائیوں کا نشانہ بنایا جا رہا ہے۔
وزیراعظم پاکستان نے مزید کہا آج کے دن ہمیں مقبوضہ کشمیر کے مظلوم لوگوں کو ہرگز فراموش نہیں کرنا چاہئے جنہیں بی جے پی کی فسطائیت پسند حکومت کے ہاتھوں انسانی حقوق کی بدترین خلاف ورزیوں کا سامنا ہے۔
from سچ ٹی وی اردو - تازہ ترین خبریں https://ift.tt/2SqJL1M
0 comments: