نواز شریف کی قطر ائیر لائن کی پرواز کیو آر 629 میں سیٹیں بک تھیں، تاہم ان کا نام ایگزٹ کنٹرول لسٹ میں ہونے کے سبب روانگی ممکن نہیں تھی جس کے باعث ان کی ٹکٹیں منسوخ کر دی گئیں۔
اطلاعات کے مطابق ای سی ایل میں نام ہونے کی وجہ سے نواز شریف کی ٹکٹیں پہلے ہی کنفرم نہ تھیں، بورڈنگ مکمل ہونے کے بعد ان کی ٹکٹیں منسوخ کی گئیں۔
واضح رہے کہ گزشتہ روز ہی یہ خدشہ سامنے آ گیا تھا کہ ای سی ایل میں نام شامل ہونے کی وجہ سے نواز شریف کی پیر کی صبح بیرون ملک روانگی ممکن نہیں ہو سکے گی، شریف خاندان نے آج صبح 9 بج کر 5 منٹ پر لندن کی ٹکٹ بک کرا رکھی تھی۔
بتایا جا رہا ہے کہ شریف خاندان تاحال حکومتی فیصلے کے منتظر ہے، وزیر اعظم کے معاون خصوصی علی نواز اعوان کہتے ہیں میڈیکل رپورٹ کی بنیاد پر نواز شریف کا نام ای سی ایل سے نکالنے کے لیے سمری آ چکی ہے، وزارت داخلہ کو درخواست کی گئی تھی، منگل کو وفاقی کابینہ کے اجلاس میں سمری پر فیصلہ کیا جائے گا۔
ادھر ذرائع کا کہنا ہے کہ سروسز اسپتال کے میڈیکل بورڈ نے گزشتہ روز وزیر صحت پنجاب کی سربراہی میں ہونے والے اجلاس میں بتایا کہ نواز شریف کی صحت تشویش ناک ہے، جینیٹک ٹیسٹ، بون میرو، پیٹ اسکین اور دیگر ٹیسٹس کی فوری ضرورت ہے، پلیٹ لیٹس میں بدستور کمی ہو رہی ہے۔
from سچ ٹی وی اردو - تازہ ترین خبریں https://ift.tt/2rsso5b
0 comments: