سماجی رابطے کی ویب سائٹ ٹوئٹر پر جاری پیغام میں نعیم الحق نے لکھا کہ ’آسٹریلیا میں ہماری ٹیم کی مسلسل خوفناک کارکردگی کوچ/ چیف سلیکٹر کی تبدیلی کا تقاضہ کرتی ہے‘۔خیال رہے کہ پاکستان کرکٹ بورڈ نے سابق کپتان مصباح الحق کو قومی کرکٹ ٹیم کا ہیڈ کوچ اور چیف سلیکٹر مقرر کررکھا ہے۔
Terrible continuous performance by our team in Australia needs a change of the coach / chief selector. There is is not even a slight hope for a decent performance.
— Naeem ul Haque (@naeemul_haque) November 29, 2019
ورلڈ کپ کے بعد مکی آرتھر کو ہیڈ کوچ اور انضمام الحق کو چیف سلیکٹر کے عہدے سے ہٹایا گیا تھا جس کے بعد یہ دونوں اہم عہدے مصباح کو دے دیے گئے۔مصباح الحق کی منتخب کردہ ٹیم کا پہلا امتحان سری لنکا کیخلاف ہوم سیریز تھی جس میں پاکستان نے 0-2 سے ون ڈے سیریز جیتی تھی جبکہ ٹی ٹوئنٹی سیریز میں پاکستان کو 0-3 سے شکست کا سامنا کرنا پڑا۔
اس شکست کے بعد پی سی بی نے سرفراز احمد کو قومی کرکٹ ٹیم کی کپتانی سے ہٹادیا اور ٹیسٹ ٹیم کی قیادت اظہر علی اور ٹی ٹوئنٹی کی کپتانی بابر اعظم کو دے دی جبکہ ون ڈے کپتان کے نام کا اعلان نہیں کیا گیا۔ پاکستان کرکٹ ٹیم ان دنوں آسٹریلیا کے مشکل ترین دورے پر ہے جہاں پہلے ٹیسٹ میں پاکستان کو ایک اننگز اور پانچ رن سے شکست کا سامنا کرنا پڑا تھا۔اب سیریز کے دوسرے اور آخری ٹیسٹ میچ میں بھی اب تک آسٹریلیا کی پوزیشن مضبوط دکھائی دے رہی ہے۔
from سچ ٹی وی اردو - تازہ ترین خبریں https://ift.tt/2R72NJY
0 comments: