سیاحت کے عالمی دن پر وزیراعظم عمران خان نے اپنے پیغام میں کہا کہ قدرتی حسن سے مالا مال پاکستان میں سیاحت کے وسیع مواقع موجود ہیں۔
وزیراعظم نے کہا کہ سیاحت سے روزگار کے مواقع بڑھیں گے،غربت کم کرنے میں مدد ملے گی۔
انہوں نے کہا کہ دنیا بھرکے سیاحوں، سرمایہ کاروں کو پاکستان آنے کی دعوت دیتا ہوں، پاکستان میں اس وقت امن وامان کی صورت حال انتہائی تسلی بخش ہے، غیرملکی سیاحوں کو یقین دلاتا ہوں پاکستان جنت محسوس ہوگا۔
وزیراعظم عمران خان نے کہا کہ سیاحت سے معاشی سرگرمیاں اورغیرملکی زرمبادلہ میں اضافہ ہوتا ہے، سیاحوں کو سہولتوں کی فراہمی کے لیے تمام ممکنہ اقدامات کر رہے ہیں۔
سیاحت کا عالمی دن ورلڈ ٹورازم آرگنائزیشن کی ایگزیکٹو کونسل کی سفارشات پر اقوام متحدہ کی جنرل اسمبلی میں قرارداد کی منظوری کے بعد سے 1970 سے ہر سال 27 ستمبر کو منایا جاتا ہے۔ اس دن کو منانے کا مقصد سیاحت کے فروغ، نئے سیاحتی مقامات کی تلاش، آثار قدیمہ کو محفوظ بنانے، سیاحوں کے لیے زیادہ سے زیادہ اور جدید سہولیات پیدا کرنے، سیاحوں کے تحفظ ، نئے سیاحتی مقامات تک آسان رسائی سمیت دیگر متعلقہ امور کو فروغ دینا ہے۔
from سچ ٹی وی اردو - تازہ ترین خبریں https://ift.tt/2lw8ELr
0 comments: