معاون خصوصی برائے اطلاعات و نشریات فردوس عاشق اعوان کا سماجی رابطے کی ویب سائٹ ٹوئٹر پر ٹوئٹ میں کہنا تھا کہ وزیراعظم عمران خان مؤثر اور باوقار انداز سے مظلوم کشمیریوں کا مقدمہ اقوام عالم کے سامنے پیش کر رہے ہیں۔ مختلف ممالک کے سربراہان سے ملاقاتوں کا محور تنازعہ کشمیر اور اس کی موجودہ سنگین صورتحال تھی۔
معاون خصوصی کا کہنا تھا کہ80 لاکھ کشمیری مقبوضہ وادی میں محصور ہیں۔ عمران خان نے دنیا کو باور کرایا کہ مقبوضہ جموں کشمیر میں انسانی بحران جنم لے سکتا ہے جس سے امن عالم کو شدید خطرات لاحق ہیں۔
80 لاکھ کشمیری مقبوضہ وادی میں محصور ہیں۔عمران خان نے دنیا کو باور کرایا کہ مقبوضہ جموں کشمیر میں انسانی بحران جنم لے سکتا ہے جس سے امن عالم کو شدید خطرات لاحق ہیں۔
— Firdous Ashiq Awan (@Dr_FirdousPTI) September 24, 2019
فردوس عاشق اعوان کا کہناتھا کہ وادی جنت نظیر میں مظلوم عوام پر زندگی تنگ، گلیاں ویران اور کوچہ و بازار سنسان پڑے ہیں ۔امریکی صدر ڈونلڈ ٹرمپ سے ملاقات میں وزیراعظم نے مقبوضہ جموں کشمیر میں کرفیو ختم کرانے پر زور دیا۔ صدر ٹرمپ کا بیان"وزیراعظم عمران خان اور پاکستان پر اعتماد ہے"اور خطے میں قیام امن کیلئے ایران سے بات کرنے کا مینڈیٹ عمران خان کی قائدانہ صلاحیتوں اور دنیا کے پاکستان پر بڑھتے ہوئے اعتماد کا اعتراف ہے۔
وادی جنت نظیر میں مظلوم عوام پر زندگی تنگ، گلیاں ویران اور کوچہ و بازار سنسان پڑے ہیں ۔امریکی صدر ڈونلڈ ٹرمپ سے ملاقات میں وزیراعظم نے مقبوضہ جموں کشمیر میں کرفیو ختم کرانے پر زور دیا۔
— Firdous Ashiq Awan (@Dr_FirdousPTI) September 24, 2019
معاون خصوصی کا کہنا تھا کہ وزیراعظم نے دیگر ممالک کے سربراہان، برطانیہ کے وزیراعظم بورس جانسن، ترکی کے صدر طیب اردگان، ایران کے صدر حسن روحانی اور سوئٹزرلینڈ کے صدر اولی میور سے ملاقاتوں میں دوطرفہ تعلقات کی مضبوطی، باہمی تعاون کے فروغ کی اہمیت پر زور دیا اور مقبوضہ کشمیر میں انسانی حقوق کی خلاف ورزیوں سے آگاہ کیا۔عمران خان نے دنیا پر واضح کیا کہ علاقائی امن و سلامتی کے لئے مسئلہ کشمیر کا حل ناگزیر ہے۔
from سچ ٹی وی اردو - تازہ ترین خبریں https://ift.tt/2mHPum0
0 comments: