ترکی کے صدر رجب طیب اردگان نے جنرل اسمبلی میں تقریباً 36 منٹ طویل تقریر کی جس میں انہوں نے مسئلہ کشمیر ، فلسطین اور روہنگیا مسلمانوں کی نسل کشی کے مسائل پر بھرپور انداز میں آواز اٹھائی۔ ان کی تقریر کو تقریباً 3 لاکھ 60 ہزار لوگ اقوام متحدہ کے یوٹیوب چینل پر دیکھ چکے ہیں اور یہ اب تک کی سب سے زیادہ دیکھی گئی تقریر ہے۔
https://youtu.be/Bve1yt0SEb4
اقوام متحدہ کے آفیشل یوٹیوب چینل پردوسری سب سے زیادہ دیکھی جانے والی تقریر ایرانی صدر کی رہی۔ حسن روحانی کی تقریر کو اقوام متحدہ کے یوٹیوب چینل پر اب تک 3 لاکھ 26 ہزار لوگ دیکھ چکے ہیں۔
https://youtu.be/SgABuHc-B9E
وزیر اعظم عمران خان نے جمعہ کے روز جنرل اسمبلی سے تقریباً 50 منٹ طویل خطاب کیا جس میں اسلامو فوبیا، ماحولیاتی آلودگی ، مسئلہ کشمیر اور آر ایس ایس پر انتہائی مدلل گفتگو کی۔ ان کی تقریر کو یو ٹیوب پر اب تک 3 لاکھ 16 ہزار 809 لوگ دیکھ چکے ہیں اور یہ حالیہ جنرل اسمبلی اجلاس کی تیسری سب سے زیادہ دیکھی جانے والی تقریر ہے۔
https://youtu.be/uyaQgnQCQ5k
بھارتی وزیر اعظم نریندر مودی نے بھی جمعہ کے روز جنرل اسمبلی کے پہلے سیشن کے دوران خطاب کیا۔ ان کے 17 منٹ کے خطاب کو 2 بار شیئر کیا گیا ہے ۔
ان کے خطاب کے ہندی ورژن کے 61 ہزار 483 اور انگریزی ورژن کے 36 ہزار 961 ویوز ہیں جو مجموعی طور پر 98 ہزار کے قریب بنتے ہیں۔
امریکی صدر ڈونلڈ ٹرمپ کی تقریر کو صرف 39 ہزار لوگوں نے اقوام متحدہ کے آفیشل یوٹیوب چینل پر دیکھا۔
خیال رہے کہ اس خبر میں 29 ستمبر رات 12 بج کر 05 منٹ تک کے اعداد و شمار پیش کیے گئے ہیں ، وقت گزرنے کے ساتھ مختلف ویڈیوز کے ویوز بڑھیں گے جس کے باعث ان کی مقبولیت کی ترتیب بھی تبدیل ہوسکتی ہے۔
from سچ ٹی وی اردو - تازہ ترین خبریں https://ift.tt/2o9B4vF
0 comments: