معاون خصوصی برائے اطلاعات فردوس عاشق اعوان نے سینیٹر حاصل بزنجو کے بیان پر ردعمل دیتے ہوئے کہا ہے کہ شکست خوردہ عناصر اپنی ہار کا بدلہ پاکستانی اداروں سے نہ لیں، حاصل بزنجو نے قیام پاکستان کے مہینے میں وفاق کی علامت پر حملہ کیا، معاون خصوصی کا مزید کہنا تھا کہ قومی اداروں کے سربراہان سے متعلق ایسی گفتگو ملکی مفاد کے خلاف ہے، حاصل بزنجو کے بیان کے خلاف مذمتی قرار داد لائیں گے۔
قومی ادارے کے سربراہ کے خلاف بیان پر وفاقی وزیر برائے آبی وسائل فیصل واوڈا نے اپنے ردعمل میں کہا ہے کہ پاک فوج کو بدنام کرنے والوں کے خلاف ایکشن کا وقت آ گیا ہے، انہوں نے ٹویٹر پیغام میں کہا کہ پہلے میمو گیٹ میں حسین حقانی جیسے غدار اور پھر ڈان لیکس کے ذریعے غداری، اب چوری بچانے اور بری طرح ہارنے کے بعد پاک فوج کے خلاف ہرزہ سرائی کرنے لگے، فیصل واوڈا نے حاصل بزنجو کے خلاف ایکشن کا مطالبہ کرتے ہوئے کہا ہے کہ" اب صرف افسوس نہیں، ایکشن کا وقت ہے"۔
پہلے میمو گیٹ میں حسین حقانی جیسے غدار، پھر ڈان لیکس کے ذریعے غداری اور اب چوری بچانے اور آج بری طرح ہارنے کے بعد فوج کےخلاف ہرزہ سرائی کرنے لگے۔جہاں فوج کے جوان اپنی جانیں قربان کر رہے ہیں وہاں یہ بے شرم اسی فوج کو بدنام کرتے ہیں۔ اب صرف افسوس نہیں، ایکشن کا وقت ہے۔ https://t.co/UyX6HLlIDn
— Faisal Vawda (@FaisalVawdaPTI) August 1, 2019
حکومتی ارکان کا کہنا ہے کہ اپوزیشن نے جو تیر چلائے وہ واپس انہیں کے سینوں میں لگے اور یہی لوگ اپنی جانیں قربان کرنے والی فوج کو بدنام کرتے ہیں۔
from سچ ٹی وی اردو - تازہ ترین خبریں https://ift.tt/2YGFb2Q
0 comments: