دفتر خارجہ نے کرکٹ ورلڈکپ میں پاکستان اور افغانستان کے درمیان میچ کے دوران ایک خاص گروہ کی جانب سے فضاء میں پروپیگنڈا بینرز لہرانے پر خدشات کا اظہار کیا ہے۔
گزشتہ دنوں لیڈز میں پاکستان اور افغانستان کے اہم میچ کے دوران گراؤنڈ کے اوپر جہازوں کے ذریعے بینرز لہرائے گئے جن پر پروپیگنڈا پر مبنی جملے درج تھے۔
اس حوالے سے پاکستان نے خاص گروہ کی جانب سے بینرز لہرانے پر خدشات کا اظہار کیا ہے۔
ترجمان دفتر خارجہ ڈاکٹر محمد فیصل کے مطابق ایسے پروپیگنڈے کیلئے کھیلوں کے میدان استعمال کرنا ناقابل قبول ہے۔
ترجمان نے کھیلوں سے متعلقہ اداروں اور قانون نافذ کرنے والی اتھارٹیز سے تحقیقات کا مطالبہ کرتے ہوئے کہا کہ اس واقعے میں ملوث ذمہ داران کو احتساب کے دائرے میں لایا جائے۔
ترجمان کا کہنا تھا کہ سفارتی سطح پر بھی اس معاملے کو دیکھا جا رہا ہے۔
علاوہ ازیں پاکستان نے میچ کے دوران افغان شائقین کی جانب سے پاکستانی کھلاڑیوں سے نامناسب رویے اور جھگڑے پر بھی تشویش کا اظہار کیا۔
from سچ ٹی وی اردو - تازہ ترین خبریں https://ift.tt/2xo2L5w
0 comments: