ملتان میں غیرت کے نام پر دس افراد کو قتل کردیا گیا، جاں بحق ہونیوالوں میں خواتین اور بچے بھی شامل ہیں، چار افراد کو فائرنگ کے بعد جلا کر قتل کیا گیا۔
سی پی او ملتان کے مطابق ملزم اجمل نے چار افراد کو گولیاں مار کر قتل کیا جبکہ 6افراد کو کمرے میں بند کرکے آگ لگائی گئی۔
ملزم اجمل چند روز قبل سعودی عرب سے واپس آیا تھا ، اس کو اپنی بیوی کے کسی کے ساتھ ناجائز تعلقات کا شبہ تھا، اس نے اپنے سسرال جاکر اپنی بیوی ، سالی اور ساس سمیت گھر میں موجود افراد پرفائرنگ کی اور پھر گھر کو آگ لگا دی۔
سی سی پی او نے کہا کہ ملزم نے اپنے باپ کے ساتھ ملکر گھر والوں کو قتل کیا، پولیس نے موقع پر ملزم اجمل اوراس کے باپ کوگرفتار کرلیا ہے جبکہ اس کا ایک ملزم بھائی فرار ہونے میں کامیاب ہوگیاہے۔
قتل کی اس اندوہناک واردات سے علاقے میں خوف وہراس پھیل گیا ہے۔
واضح رہے کہ عید کے موقع پرملتان کے علاقے جلال پر پیر والا میں دیرینہ دشمنی پر ایک ہی خاندان کے 10افراد کوقتل کردیا گیا تھا ۔
from سچ ٹی وی اردو - تازہ ترین خبریں https://ift.tt/2XkTBpC
0 comments: