غزہ میں فلسطینیوں کے واپسی مارچ پرغاصب صیہونی افواج نے ایک بار پھر وحشیانہ حملہ کیا ہے، جس سے متعدد فلسطینی زخمی ہو گئے۔
فلسطینی وزارت صحت کے مطابق غزہ میں 64ویں واپسی مارچ کے دوران صیہونی افواج نے وحشیانہ فائرنگ کی ہے۔ جس میں متعدد فلسطینی زخمی ہو گئے ہیں۔
غاصب صیہونی افواج نے زہریلی گیس کا بھی استعمال کیا۔ فلسطینی عوام نے اپنے حقوق کی بازیابی کے لئے تیس مارچ دو ہزار اٹھارہ سے واپسی مارچ کا آغاز کیا۔ جس کے تحت ہزاروں افراد غزہ سے ملنے والی مقبوضہ فلسطین کی سرحدوں کی جانب مارچ کرتے ہیں۔
اس مارچ کا مقصد امریکی سفارت خانے کی بیت المقدس منتقلی اورغزہ کے ظالمانہ محاصرے کے خلاف احتجاج کرنا ہے۔ واپسی مارچ میں اب تک تین سو سترہ فلسطینی شہید اوراکتیس ہزار زخمی ہوئے ہیں۔
غاصب اسرائیل نے 2006 سے غزہ کا محاصرہ کر رکھا ہے اور بنیادی اشیا کی ضرورت کی ترسیل کی راہ میں شدید رکاوٹیں پیدا کر رہا ہے جس سے غزہ کے فلسطینیوں کو غذائی اشیاء اور ادویات کی شدید قلت کا سامنا ہے۔
from سچ ٹی وی اردو - تازہ ترین خبریں https://ift.tt/2RGyHeG
0 comments: