وزیراعظم عمران خان نے سوہاوہ میں القادر یونیورسٹی کا سنگ بنیاد رکھا، تقریب سے خطاب میں ان کا کہنا تھا کہ القادر یونی ورسٹی ریاست مدینہ کے اصول سمجھائے گی، اس سے پاکستان کے مستقبل کے لیڈر نکلیں گے۔
انہوں نے کہا کہ یونیورسٹی سے ایسے اسکالرز نکلیں گے جو دنیا میں اسلام مخالف باتوں کا جواب دیں گے، ہمارے نوجوانوں پر مغربی کلچر حاوی ہے، انہیں دین اور اسلام کی تاریخ بتانی ہے۔
ان کا کہنا ہے کہ 23 سال پہلے سیاست شروع کی تو ایک مقصد تھا کہ پاکستان کے پیچھے علامہ اقبال اور قائد اعظم کے ذہن تھے لیکن 23 سال پہلے میں نے احساس کیا ہم مقصد سے بہت دور چلے گئے ہیں۔
انہوں نے مزید کہا کہ پاکستان بننے کے پیچھے کی سوچ کو ماضی کی قیادت نے دفن کردیا، نہ ہم اسلامی رہے نہ فلاحی رہے، بس ایک ریاست بن گئے، نظریہ ختم ہوجائے تو قوم بھی ختم ہو جاتی ہے۔
وزیراعظم کا کہنا تھا کہ فوج نہیں عوام ملک کو اکھٹا رکھتی ہے کیونکہ عوام ریاست کا حصہ بننا چاہتی ہے، ریاست عوام کی بنیادی ضروریات پوری کرتی ہے اور انصاف دیتی ہے۔
ان کا کہنا ہے کہ مشرقی پاکستان کے لوگوں نے کہا انہیں انصاف نہیں مل رہا، ان لوگوں نے کہا مغربی پاکستان والی پاور ہمیں نہیں مل رہی، مدینہ کی ریاست عدل اور انصاف پر بنی تھی اور پاکستان کو ریاست کےاصول پر بننا تھا لیکن غلطی ہماری تھی ہم نے انصاف نہیں دیا۔
انہوں نے کہا کہ فاٹا کے لوگوں کی مدد کرنی ہے، بلوچستان والے پیچھے رہ گئے ہیں، بھٹو کے بعد جتنے بھی آئے عوام کے خیر خواہ بنے اور گئے تو لندن میں پراپرٹیز تھیں۔
from سچ ٹی وی اردو - تازہ ترین خبریں http://bit.ly/2HbzD63
0 comments: