وزیراعلیٰ پنجاب عثمان بزدار نے داتا دربارکے باہر ایلیٹ فورسز کی گاڑی پر حملےکی شدیدمذمت کرتے ہوئے امن و امان پر اجلاس فوری طلب کر لیا اور بھکر، سرگودھا اور شیخوپورہ کے دورے منسوخ کردیئے۔
وزیراعلیٰ پنجاب عثمان بزدار نے داتا دربار کے باہر ایلیٹ فورسز کی گاڑی پر حملے کی شدید مذمت کرتے ہوئے واقعے کی تحقیقات کا حکم دیتے ہوئے آئی جی پولیس اورایڈیشنل چیف سیکریٹری داخلہ سےرپورٹ طلب کرلی۔
وزیراعلیٰ نےدھماکےمیں قیمتی جانوں کےضیاع پر افسوس اورلواحقین سےتعزیت کا اظہارکیا اورزخمیوں کوعلاج کی بہترین سہولتیں فراہم کرنے کی ہدایت کی۔
وزیراعلیٰ پنجاب نےامن وامان پر ہنگامی اجلاس طلب کرتےہوئےبھکر،سرگودھااورشیخوپورہ کے دورے بھی منسوخ کردئیے، اجلاس کچھ دیر بعدپنجاب سیف سٹی اتھارٹی ہیڈ آفس میں ہوگا۔
یاد رہے لاہورمیں داتا دربار کے باہر دہشت گردوں نے ایلیٹ فورس کی گاڑی کو نشانہ بنایا، جس کے نتیجے میں 5 اہلکاروں سمیت 8 افراد کے شہید ہونےکی تصدیق ہوگئی جبکہ اہلکاروں سمیت 25 افرادز خمی ہیں ، جن میں 9کی حالت تشویشناک ہے۔
ریسکیو اہلکار جائے دھماکا پرامدادی سرگرمیوں میں مصروف ہے جبکہ سیکورٹی فورسز نے جائے دھماکا کو گھیرے میں لے لیا، دھماکے کے بعد لاہور کے اسپتالوں میں ایمرجنسی نافذ کردی گئی ہے
from سچ ٹی وی اردو - تازہ ترین خبریں http://bit.ly/305wFIQ
0 comments: