وزیراعظم عمران خان کی اہلیہ بشریٰ بی بی اور وفد کے ہمراہ عمرہ کی ادائیگی

وزیراعظم عمران خان نے اپنی اہلیہ بشری بی بی اور وفاقی وزرا کے ہمراہ عمرہ ادا کیا۔

تفصیلات کے مطابق وزیراعظم عمران خان نے اپنی اہلیہ بشری بی بی اور وفد کے ہمراہ عمرہ ادا کیا اور پاکستان کی ترقی وخوشحالی کے لیے خصوصی دعائیں کیں۔

وزیراعظم پاکستان کے ہمراہ وزیراعلیٰ پنجاب سردارعثمان بزدار اور وزیراعلیٰ خیبرپختونخواہ محمود خان نے بھی عمرہ ادا کیا۔

یاد رہے کہ گزشتہ روز وزیراعظم او آئی سی کانفرنس میں شرکت کے لیے تین روزہ دورے پر سعودی عرب پہنچے۔ عمران خان نے روضہ رسولﷺ پر حاضری دی اور مسجد نبوی میں نوافل بھی ادا کیے۔

وزیراعظم عمران خان آج او آئی سی کے 14ویں سربراہ اجلاس سے خطاب بھی کریں گے ، جس میں مسلم امہ میں اتحاد اور یکجہتی پر زور دیں گے جبکہ مسلم دنیا کو مقبوضہ کشمیر کی صورت حال سے آگاہ کریں گے۔

from سچ ٹی وی اردو - تازہ ترین خبریں http://bit.ly/2IbQeH3

• Tweet
• Share
• Share
• Share
• Share