دنیا میں ورلڈ کپ کیلئے ٹیموں کا اعلان جبکہ یہاں تماشہ لگا ہے:وسیم اکرم

سابق کپتان کا کہنا ہے کہ دنیا میں ورلڈ کپ کیلئے ٹیموں کا اعلان ہورہا ہے اور یہاں تماشہ لگایا جا رہا ہے۔

کراچی میں تقریب سے خطاب کرتے ہوئے سابق کپتان وسیم اکرم کا کہنا تھا کہ کرکٹ کمیٹی میں ہونے کے باوجود مجھے کچھ معلوم ہی نہیں، پی ایس ایل دنیا کی دوسری بڑی لیگ بن گئی ہے، آئندہ سال پی ایس ایل کےتمام میچز پاکستان میں ہوں گے اور پاکستان میں میچز کے بعد ہی معلوم ہوگا کہ یہ کتنی بڑی لیگ بن گئی ہے۔

سابق کپتان نے کہا کہ کچھ لوگ ڈرے ہوئے ہیں کہ اگرڈیپارٹمنٹ کرکٹ بند ہوگئی تو کیا ہوگا، معلوم نہیں ایسا فیصلہ کیوں کیا جا رہا ہے، پوری دنیا میں غلط تاثرجا رہا ہے، دنیا بھرمیں ٹیموں کا اعلان ہورہا ہے اور یہاں تماشہ سجایا جا رہا ہے، دیکھنا ہوگا کہ وزیراعظم عمران خان کا کیا ری ایکشن آتا ہے۔
وسیم اکرم نے کہا کہ وسیم خان نوجوان ہیں اوران میں ٹیلنٹ بھی موجود ہے، وسیم خان کو ایک موقع ضرور دینا چاہیے، ایسا نہ ہو کہ فٹنس ٹیسٹ پاس نہ کر نے والے بھی اسکواڈ کا حصہ بن جائیں۔

سابق کپتان وسیم اکرم نے کرکٹ کمیٹی پر بھی طنز کرتے ہوئے کہا کہ کیا کرکٹ کمیٹی بھی ہے، مجھے تو نہیں پتا کہ یہاں کوئی کرکٹ کمیٹی بھی ہے۔

from سچ ٹی وی اردو - تازہ ترین خبریں http://bit.ly/2IFC9Us

• Tweet
• Share
• Share
• Share
• Share