تفصیلات کے مطابق وزیراعظم عمران خان نے ٹوئٹر پر آٹزم کے عالمی دن پر پیغام میں کہا آٹزم سے آگاہی کے عالمی دن کے موقع پر آج دنیا بھرمیں نہ صرف آٹزم کو تسلیم کیاگیا بلکہ اس کا شکار افراد کی صلاحیتوں کا اعتراف بھی کیا جارہا ہے، میں یقین دلاتا ہوں پالیسی میں آٹزم کا شکارافراد کی بہبود کو یقینی بنایا جائے گا اور متاثرہ افراد کو صلاحیتوں کے اظہار کے مواقع دیے جائیں گے۔
آٹزم سے آگاہی کے عالمی دن کے موقع پر آج دنیا نہ صرف آٹزم کو پہچان رہی ہے بلکہ اس میں مبتلا افراد کی صلاحیتوں کا اعتراف بھی کیا جارہا ہے۔میں والدین/اساتذہ کو یقین دلاتا ہوں کہ آٹزم کے شکار افراد کی بہبود کی حکمت عملی لائیں گے اور انہیں اپنی صلاحیتیں بروئے کار لانے کا موقع دیں گے۔
— Imran Khan (@ImranKhanPTI) April 2, 2019
خیال رہے آج دنیا بھر میں اعصابی بیماری آٹزم سے آگاہی کا دن منایا جارہا ہے، آٹزم سے متاثرہ بچوں میں بولنے، سمجھنے، سیکھنے کی صلاحیتیں متاثر ہوتی ہیں۔ تاحال اس مرض کا علاج یا اس کے اسباب دریافت نہیں کیے جاسکے ہیں۔
ماہرین کا کہنا ہے کہ ایک تحقیق سے پتہ چلا کہ وہ افراد جو 50 سال کی عمر مں باپ بنے ان کی آنے والی نسلوں میں آٹزم کا خطرہ بڑھ گیا، ایسے افراد کی اولاد نارمل ہوتی ہے تاہم اولاد کی اولاد آٹزم کا شکار ہوسکتی ہے۔
from سچ ٹی وی اردو - تازہ ترین خبریں https://ift.tt/2OHUj8P
0 comments: