صحت مند زندگی اللہ تعالیٰ کی نعمت ہے اور صحت مند افراد سے ہی صحت مند معاشرہ تشکیل پاتا ہے۔
شعبہ صحت کو عوام کی توقعات کے مطابق بنانے کیلئے اصلاحات کا جامع پروگرام شروع کیا گیا ہے۔
اس کے علاوہ ہیلتھ کیئر سسٹم کو دور جدید کے تقاضوں سے ہم آہنگ کرنے کیلئے اہداف مقرر کئے گئے ہیں، ہسپتالوں میں مریضوں کو جدید طبی سہولتوں کی فراہمی کیلئے جامع روڈ میپ پر عملدرآمد کیا جا رہا ہے اور تحریک انصاف کی حکومت شعبہ صحت میں اصلاحات کے لئے جدید ٹیکنالوجی سے استفادہ کر رہی ہے۔
وزیر اعلیٰ عثمان بزدار نے صحت کے عالمی دن کے موقع پر اپنے پیغام میں کہا کہ ہیلتھ کیئر سسٹم کے روایتی نظام میں تبدیلی لا کر مریضوں کو جدید علاج معالجہ مہیا کریں گے اور ہیلتھ کیئر سسٹم میں اصلاحاتی پروگرام کے دورس نتائج حاصل ہوں گے۔
وزیر اعلیٰ نے کہا کہ جنوبی پنجاب کے اضلاع کیلئے صحت انصاف کارڈ پروگرام کا آغاز کر دیا گیا ہے جس کا دائرہ کار بتدریج پورے صوبے میں پھیلایا جائے گا۔
بلاشبہ صحت انصاف کارڈ عام آدمی کو صحت کی معیاری سہولتوں کی فراہمی کی جانب ایک انقلابی اقدام ہے اور اس کارڈ کے ذریعے ہر خاندان 7 لاکھ 20 ہزار روپے تک طبی سہولتوں کی فراہمی پر خرچ کر سکتا ہے۔
from سچ ٹی وی اردو - تازہ ترین خبریں http://bit.ly/2G4dfvI
0 comments: