وزیر اطلاعات خیبر پختونخوا شوکت یوسفزئی کے مطابق اطلاع تھی کہ حیات آباد میں جج اور ایڈیشنل آئی جی پر حملے کرنے والے موجود ہیں جس کے بعد پولیس نے علاقے کو گھیرے میں لیا اور آپریشن شروع کیا۔
اطلاعات کے مطابق مشکوک گھر میں چھ سے سات دہشت گرد موجود ہیں جن کے خلاف آپریشن جاری ہے۔
صوبائی وزیر اطلاعات کے مطابق دہشت گردوں نے نبرد آزما ہونے کے لیے پولیس اور فوج کے کمانڈوز آپریشن میں حصہ لے رہے ہیں جب کہ دہشت گردوں کے پاس خودکش جیکٹس کی اطلاعات پر آپریشن کچھ دیر کے لیے روکا گیا ہے اور حکمت عملی کے تحت آپریشن آگے بڑھایا جا رہا ہے۔
ان کا کہنا تھا کہ عمارت کے نیچے کے دونوں حصے کلیئر کردیے گئے ہیں اور اوپر کے حصے میں دہشت گردوں کی مزاحمت جاری ہے۔
وزیر اطلاعات خیبر پختونخوا کے مطابق آپریشن کے دوران ایک پولیس اہلکار شہید اور تین زخمی ہوئے جب کہ دہشت گردوں کا ایک ساتھی بھی مارا گیا۔
شوکت یوسفزئی کے مطابق شہید پولیس اہلکار کا تعلق بڈھ بیر ماشوخیل سے ہے جس کی نماز جنازہ پولیس لائنز میں ادا کی جائے گی۔
from سچ ٹی وی اردو - تازہ ترین خبریں http://bit.ly/2DfUlR4
0 comments: