دس دن میں پاکستان میں نوکریوں کی بارش ہونے والی ہے: فیصل واوڈا

وفاقی وزیر برائے آبی وسائل فیصل واوڈا کا کہنا ہے کہ صرف ہفتے دس دن میں پاکستان میں نوکریوں کی بارش ہونے والی ہے، ملک میں نوکریاں زیادہ ہو جائیں گی اور نوکریوں کے خواہش مند کم پڑ جائیں گے۔

تفصیلات کے مطابق وفاقی وزیر فیصل واﺅڈا نے انکشاف کیا ہے کہ ہفتے دس دن میں ملک میں نوکریاں زیادہ ہو جائیں گی اور نوکریوں کے خواہش مند کم پڑ جائیں گے، چند ہفتوں میں حالات اتنے اچھے ہو جائیں گے کہ پان سگریٹ والے بھی آکر کہیں گے کہ آﺅ ہم سے ٹیکس لے لو۔

وفاقی وزیر کا کہنا تھا غیب کا علم صرف اللہ تعالیٰ کو ہے، وہ غیب کا کچھ نہیں بتا سکتے، حمزہ شہباز کی گرفتاری کے معاملے کی منطق میری سمجھ سے بالاتر ہے ۔

انہوں نے کہا کہ اگر ہم ٹیکس میں تاجروں کو آسانیاں دیں گے تو پوری دنیا سے پاکستان بزنس آئے گا جب حکومت ترقی کے لئے سخت فیصلے لیتی ہے تو احتساب و ٹیکس کا نظام واضح کام کرتا ہے، اداروں کے اندر بھی ہم نے ن لیگ کے لوگ پکڑے ہیں جو حکومت کو کمزور کر رہے تھے ۔

یاد رہے چند روز قبل وفاقی وزیر کا کہنا تھا گزشتہ حکومت نے قرضوں کا جو بوجھ چھوڑا انشااللہ ختم کریں گے، حکومت کو وراثت اور جہیز میں لمبے چوڑے قرضے ملے، جن قرضوں کا سود دے رہے وہ پی ٹی آئی نے نہیں لیے، حکومت عوام کو ہر معاملے پر اعتماد میں لے رہی ہے۔

from سچ ٹی وی اردو - تازہ ترین خبریں http://bit.ly/2IkpmXf

• Tweet
• Share
• Share
• Share
• Share