سعودی عرب نے 30 سال بعد عراق میں اپنا سفارتخانہ کھول دیا

عراق کا کہنا ہے کہ سعودی عرب نے تعلقات بہتر کرتے ہوئے بغداد میں 30 سال بعد اپنا سفارتخانہ کھول دیا ہے۔

غیر ملکی خبر رساں ادارے 'اے پی' کے مطابق سفارتخانہ، سعودی وزیر تجارت و سرمایہ کاری ماجد بن عبداللہ القصابی کی سربراہی میں وفد کے 2 روزہ دورے کے دوران کھولا گیا۔

خیال رہے کہ ایران کی خطے میں اثر و رسوخ کو کم کرنے کے لیے ریاض، عراق سے بہتر تعلقات کا خواہاں ہے۔

عراقی وزارت خارجہ کے ترجمان احمد صحاف کا کہنا تھا کہ سفارتخانہ 'گرین زون' میں کھولا گیا ہے۔

ان کا کہنا تھا کہ اس پیش رفت سے دونوں ممالک کو فائدہ ہوگا۔

خیال رہے کہ عراقی وزیر اعظم عادل عبدالمہدی 6 اپریل کو ایران کے دورے پر روانہ ہوں گے۔

وہ رواں ماہ کے آخر میں سعودی عرب جانے کا بھی ارادہ رکھتے ہیں۔

یاد رہے کہ سعودی عرب نے عراق سے 1990 میں تعلقات ختم کر دیئے تھے۔

عراق کی جانب سے کویت پر حملے کے بعد سعودی عرب نے تعلقات ختم کرنے کا اعلان کیا تھا۔

from سچ ٹی وی اردو - تازہ ترین خبریں http://bit.ly/2FVw5El

• Tweet
• Share
• Share
• Share
• Share