حکومت مخالف ٹرین مارچ: بلاول بھٹو کی قیادت میں کاروانِ بھٹو کراچی سے روانہ

پیپلز پارٹی کی حکومت مخالف ٹرین مارچ کراچی کینٹ اسٹیشن سے روانہ ہوگئی ہے۔

چیئرمین پیپلز پارٹی بلاول بھٹو زرداری صبح 10 بجے کراچی کینٹ اسٹیشن سے پارٹی کارکنان کے ہمراہ خصوصی ٹرین 'کاروان بھٹو' میں لاڑکانہ کے لیے روانہ ہوں گے۔

کاروان بھٹو ٹرین خصوصی سیلون سمیت 14 ڈبوں پر مشتمل ہے، ٹرین مارچ کے دوران بلاول بھٹو زرداری راستے میں 25 مختلف مقامات پر خطاب کریں گے اور کارکنان کا لہو گرمائیں گے۔

چیئرمین پیپلز پارٹی لانڈھی، جنگ شاہی، کوٹری، حیدرآباد، اوڈیرو لعل، ٹنڈو آدم، شہداد پور اور شہید بے نظیر آباد ریلوے اسٹیشن پر خطاب کریں گے۔

بلاول بھٹو اپنے آبائی گھر زرداری ہاؤس میں رات کو قیام کریں گے جس کے بعد کارروان بھٹو مارچ کل صبح شہید بے نظیرآباد سے روانہ ہوگا۔

چیئرمین پیپلز پارٹی دوڑ، پڈعیدن، محراب پور، بھریا روڈ، رانی پور، خیر پور، روہڑی، سکھر، حبیب کوٹ، مدیجی، سر شاہنواز بھٹو نوڈیرو اور پھر لاڑکانہ میں بھی خطاب کریں گے۔

کراچی سے لاڑکانہ تک جانے والی خصوصی ٹرین کینٹ اسٹیشن پہنچ گئی جہاں استقبالیہ کیمپ بھی لگایا گیا ہے۔

جیالوں کی بڑی تعداد کینٹ اسٹیشن پر موجود ہے اور اپنے قائد کی منتظر ہے جب کہ اسٹیشن کے اندر اور باہر سیکیورٹی کی بھاری نفری تعینات ہے۔

from سچ ٹی وی اردو - تازہ ترین خبریں https://ift.tt/2HFKSWU

• Tweet
• Share
• Share
• Share
• Share