وینزویلا میں ممکنہ فوجی مداخلت پر تشویش ہے: روس

اقوام متحدہ میں روس کے مستقل مندوب ویسلے نبین زیا نے خبردار کیا ہے کہ روس کو وینزویلا میں ممکنہ فوجی مداخلت پر تشویش ہے۔

انہوں نے متنبہ کیا کہ روس کو وینزویلا میں ممکنہ فوجی مداخلت پر تشویش ہے۔ ان کا کہنا تھا کہ چند جارح مزاج وینزویلا میں فوجی کارروائی کا سوچ رہے ہیں۔

روسی مندوب نے کہا کہ تمام لاطینی ممالک وینزویلا میں فوجی مداخلت کے خلاف ہیں۔ ان کا کہنا تھا کہ سیاسی کھیل میں امداد ایک ہتھیار کے طور پر استعمال ہورہی ہے۔

امریکی صدر ڈونلڈ ٹرمپ جنوبی امریکہ کے ملک وینزویلا کے حوالے سے فوجی کارروائی پر غورکرنے کا عندیہ دے چکے ہیں۔

سیاسی بحران سے دوچار تیل اورسونے کی دولت سے مالا مال ملک اس وقت سخت معاشی بحران کا بھی شکار ہے۔ ملک میں کچھ عرصے سے صدر نکولس مادورو اور خود کو عبوری صدر قرار دینے والے جوآن گائیڈو کے حامی بڑی تعداد میں دارالحکومت کراکس کی سڑکوں پہ اپنے اپنے قائدین کی حمایت میں مظاہرے اورنعرے بازی کررہے ہیں۔

صدر نکولس مادورو اوران کی حامی فوج نے ابھی تک وینزویلا کے لیے بھیجی جانے والی امریکی امداد کو بھی ملک میں داخلے کی اجازت نہیں دی ہے جس کی وجہ سے وہ سرحد پار داخلے کی اجازت ملنے کی منتظر ہے۔

نکولس مادورو کا اس ضمن میں مؤقف ہے کہ ہمارے دس بلین ڈالرز روک کر امریکہ امداد کی بھیک دے رہا ہے تو وینزویلا کی عوام بھکاری نہیں ہیں جو امداد قبول کریں۔

جوآن گائیڈو کا اس سلسلے میں کہنا ہے کہ امریکی امداد قبول نہ کرنا نسل کشی کے مترادف ہے۔

وینزویلا کے صدر نکولس مادورو کے حامی بڑے ممالک میں روس، چین اور ترکی شامل ہیں جب کہ جوآن گائیڈو کی عبوری صدارت کو امریکہ اوریورپی یونین سمیت 40 ممالک تسلیم کرچکے ہیں۔

 

from سچ ٹی وی اردو - تازہ ترین خبریں http://bit.ly/2BDzoOU

• Tweet
• Share
• Share
• Share
• Share