سپر اسٹار کو دیکھ کر اے پی ایس کے طلبہ خوشی سے جھوم اٹھے

ورلڈ چیمپئین ویسٹ انڈیز کے کپتان ڈیرن سیمی پاکستان پہنچ گئے، انہوں نے آرمی پبلک اسکول کا دورہ کرکے شہداء کو خراج عقیدت پیش کیا۔

تفصیلات کے مطابق پی ایس ایل کی ٹیم پشاور زلمی کے کپتان ڈیرن سیمی پاکستان پہنچ گئے، اسلام آباد ایئرپورٹ پر ان کا شاندار استقبال کیا گیا۔

اس موقع پر شائقین کرکٹ کی بڑی تعداد ان کی ایک جھلک دیکھنے کیلئے ایئرپورٹ پر موجود تھی۔

ورلڈ چیمپئین ویسٹ انڈیز کے کپتان ڈیرن سیمی نے پشاور آمد پر خوب سیر سپاٹے کیے اور مداحوں کے ساتھ گھل مل گئے، سیمی کو روایتی پشاوری چپل پیش کی گئی جسے انہوں نے فوراً پہن کر بھی دیکھا۔

ویسٹ انڈین کرکٹر نے آرمی پبلک اسکول کا دورہ بھی کیا اور اے پی ایس کے شہداء کو خراج تحسین پیش کیا۔

سپر اسٹار کو اپنے بیچ دیکھ کر بچے خوشی سے جھوم اٹھے۔

اس موقع پر اسکول کے بچوں نے انہیں اپنے درمیان پاکر خوشی کا اظہار کیا، سیلفیوں کے خوب دور بھی چلے، ڈیرن سیمی نے کہا کہ پشاور آکر انہیں بہت خوشی محسوس ہورہی ہے۔

from سچ ٹی وی اردو - تازہ ترین خبریں http://bit.ly/2UH5dxg

• Tweet
• Share
• Share
• Share
• Share