ہماری موسیقی بہت اچھی ہے اس کو ختم ہونے سے بچایا جائے،ان خیالات کا اظہارجوجی علی خان نے با ؤ جی سے گفتگومیں کیا،
انہوں نے کہا کہ سکولوں، کالجوں اور یونیورسٹیوں میں موسیقی کی تعلیم دی جائے اور گلوکاروں کو تحفظ دیا جائے انہیں نوکریاں دی جائیں ریڈیو ٹی وی اور دیگر ثقافتی اداروں میں کلاسیکی پروگرام شروع کئے جائیں۔
جوجی علی خان نے کہا کہ پاکستان میں ایک ایسا ادارہ ہوناچاہئے جوگلوکاروں کی کیٹیگریاں بنائے ان کی رجسٹریشن کرے اور پھر اندرون اور بیرون ملک پروگراموں کیلئے گلوکاروں کی بکنگ کر ے اور اس ادارے کو ٹیکس ڈیپارٹمنٹ کے ساتھ منسلک کر دیا جائے۔
گلوکاروں کو میڈیکل اور دیگر سہولتیں دی جائیں تاکہ یہ لوگ اپنے اصل میوزک کلاسیکی موسیقی کو بچا لیں۔
انہوں نے کہا کہ آج ٹیلی ویژن کا دور ہے ٹی وی چینلز ہر وقت سنسنی خیزی پھیلاتے ہیں کچھ وقت موسیقی کو بھی دے دیں اور موسیقی کے حوالے سے عوام میں شعور بیدار کریں جب عوام میں موسیقی کا شعور بیدار ہو گا تو موسیقی خود بخود ترقی کرے گی۔
جوجی علی خان نے کہا کہ ہمارے ہاں موسیقی اور فن گائیکی سے وابستہ لوگوں کو وہ مقام نہیں دیا جا رہا ہے جو انہیں دینا چاہئے مجھے لوگ کہتے ہیں کہ اب لوگ کلاسیکی موسیقی نہیں سنتے۔
میں انہیں کہتا ہوں کہ اگر سنائیں گے تو سنیں گے ناں مجھے امید ہے کہ پاکستان میں ایک مرتبہ پھر کلاسیکی موسیقی کو عروج ملے گا۔
from سچ ٹی وی اردو - تازہ ترین خبریں http://bit.ly/2t2YvpE
0 comments: