پاکستان امن پسند ملک ہے لیکن کسی بھی جارحیت کا بھرپور جواب دیں گے: جنرل قمر جاوید باجوہ

آرمی چیف جنرل قمر جاوید باجوہ نے لائن آف کنٹرول (ایل او سی ) پر چری کوٹ اور باگسر سیکٹرز پر مورچوں کا دورہ کیا۔

پاک فوج کے شعبہ تعلقات عامہ (آئی ایس پی آر) سے جاری ہونے والی پریس ریلیز کے مطابق آرمی چیف نے ایل او سی پر قائم اگلے مورچوں کا دورہ کیا جہاں انہوں نے جنگی تیاریوں کا جائزہ لیا۔

آئی ایس پی آر کے مطابق مورچوں کا معائنہ کرتے ہوئے آرمی چیف نے جوانوں کی آپریشنل تیاری اور ان کے عزم و حوصلے کو سراہا۔

COAS visited Line of Control. Reviewed state of preparedness. Lauded high moral of troops.
“Pakistan is a peace loving country but we will not be intimidated or coerced. Any aggression or misadventure shall be paid back in same coin”, COAS. pic.twitter.com/RUpdCzxWeI

— Maj Gen Asif Ghafoor (@OfficialDGISPR) February 22, 2019

جنرل قمر جاوید باجوہ نے کہا کہ پاکستان امن پسند ملک ہے لیکن کسی بھی جارحیت کا بھرپور جواب دیں گے۔ قبل ازیں لائن آف کنٹرول آمد پر کمانڈر راولپنڈی نے لیفٹننٹ جنرل بلال اکبر نے آرمی چیف کا استقبال کیا ،اس موقع پر کمانڈر آرمی ڈیفنس کمانڈ بھی موجود تھے۔

اس سے قبل پاک فوج کے ترجمان میجر جنرل آصف غفور نے پریس بریفنگ کے دوران کہا تھا کہ بھارت نے ہمیشہ پاکستان کے خلاف سازشیں اور دہشت گردی کی، ہم جنگ میں داخل ہونا نہیں چاہتے لیکن یقین دلاتے ہیں کہ اگر بھارتی جارحیت ہوئی تو ہم انہیں حیران کردیں گے اور ہر خطرے کا بھرپور صلاحیت سے جواب دیں گے۔

ڈی جی آئی ایس پی آر نے کہا کہ جب بھی پاکستان میں کوئی بہت اہم ایونٹ ہو، پاکستان کے استحکام میں بہتری آرہی ہو تو بھارت یا مقبوضہ کشمیر میں کوئی نہ کوئی ایسا حادثہ پیش آجاتا ہے۔

میجر جنرل آصف غفور کا کہنا تھا کہ بھارت میں یہ باتیں ہورہی ہیں کہ پاکستان جنگ کی تیاری کر رہا ہے، ہم جنگ کی تیاری نہیں کررہے بلکہ بھارت کی جانب سے جنگ اور بدلے کی دھمکیاں آرہی ہیں، ہم ایک خودمختار ریاست ہیں، ہمیں بھارت کی دھمکیوں کا جواب دینے کا حق ہے

from سچ ٹی وی اردو - تازہ ترین خبریں https://ift.tt/2BJbIsn

• Tweet
• Share
• Share
• Share
• Share