اسلام آباد میں پریس کانفرنس کے دوران آصف زرداری نے کہا کہ ملک مشکل حالات سے گزر رہا ہے۔ کشمیر میں صورتحال کشیدہ ہے، ہنگامی حالات میں کشمیر کی صورتحال اہم ہے، نابالغ حکومت کوسمجھ نہیں آرہی۔ ہم چاہتے تھے کہ موجودہ حکومت چلے اور لوگوں کے مسائل حل کرے لیکن حکومت کو جتنا وقت دینا تھا دے دیا اب مزید نہیں دیں گے۔
آصف زرداری کا کہنا تھا کہ پاکستان دنیا میں تنہا ہوگیا ہے، نئی حکومت کے آنے سے پاکستان مزید تنہا ہوگیا، بھارت نے جارحیت کی تو پیپلز پارٹی پاک فوج کے شانہ بشانہ کھڑی ہوگی، بھارت نے ممبئی حملوں کا الزام بھی پاکستان پر لگایا تو پاکستان نے سفارتی محاذ پر اس کا مقدمہ لڑا، ہم نے ماضی میں بھی ایسے مسائل پر پارلیمنٹ کا اجلاس بلایا۔ موجودہ حکومت کوعالمی سطح پر بہترین سفارت کاری کا مظاہرہ کرنا چاہیے۔
پیپلز پارٹی رہنما کا کہنا تھا کہ اسپیکر سندھ اسمبلی آغاسراج درانی کو آج گرفتار کیا گیا ہے، وہ ان کی گرفتاری کی مذمت کرتے ہیں، ہم نے پہلے بھی ایسے رویوں کا سامنا کیا ہے اور آئندہ بھی کریں گے۔ جیل میرا دوسرا گھر ہے، بلاول میرا اور بے نظیر بھٹو کا بیٹا ہے، وہ مقابلہ کرے گا۔
from سچ ٹی وی اردو - تازہ ترین خبریں https://ift.tt/2Nk3Mmk
0 comments: