بھارت میں مضر صحت شراب پینے سے 84 افراد ہلاک

بھارت کی شمالی ریاست آسام میں مضر صحت شراب پینے سے 84 افراد ہلاک ہوگئے جبکہ 200 سے زائد افراد کو تشویشناک حالت میں ہسپتال منتقل کیا گیا۔

غیر ملکی خبر رساں ادارے ایسوسی ایٹڈ پریس (اے پی) کی رپورٹ کے مطابق بھارت میں مضر صحت شراب پینے سے ہونے والی ہلاکتیں آسام کی ریاست کے اضلاع، گولگھات اور جورہت میں ہوئیں۔

حکومتی عہدیدار جیولی سونووال کے مطابق ہلاک ہونے والوں میں مذکورہ علاقے میں چائے کی فصل کاشت کرنے والے ملازمین شامل تھے۔

آسام ہوم کمشنر اشوتوش اگنیہوتری کے مطابق جمعرات کو متاثرہ افراد نے مضر صحت شراب کو میتھیل الکوحل میں شامل کیا تھا، یہ کیمیکل عصابی نظام کو متاثر کرتا ہے، جس کے پینے کے بعد ان کی حالت تشویشناک ہوگئی۔

ان کا مزید کہنا تھا کہ متاثرین کو ہسپتال منتقل کیا گیا جہاں ہفتے کے روز دوران علاج 84 افراد ہلاک ہوگئے۔

آسام کی وزیر صحت نے بتایا کہ 200 کے قریب افراد کو طبی سہولیات فراہم کی جارہی ہیں جن میں سے بیشتر کی حالت تشویشناک ہے۔

جورہت میڈیکل کالج ہسپتال کے ڈاکٹر مانابگوہین کا کہنا تھا کہ گزشتہ 24 گھنٹوں کے دوران 34 افراد ہلاک ہوچکے ہیں۔

پولیس حکام نے بتایا کہ واقعے کے بعد مقامی شراب بنانے والی بھٹی کے مالک اور دیگر 8 افراد کو گرفتار کرلیا گیا۔

from سچ ٹی وی اردو - تازہ ترین خبریں https://ift.tt/2ErRiGh

• Tweet
• Share
• Share
• Share
• Share