تفصیلات کے مطابق آج صدر ڈاکٹرعارف علوی سے ذیشان کے بھائی احتشام کی ملاقات ہوگی، سانحہ ساہیوال سے متعلق تبادلہ خیال کیا جائے گا۔
صدر مملک سے ملاقات کے لیے مقتول ذیشان کے بھائی احتشام صبح 6 بجے اسلام آباد کے لیے روانہ ہوگئے۔
سانحہ ساہیوال کے مقتول ذیشان کے بھائی احتشام کا گذشتہ دنوں کہنا تھا کہ مقتولین ذیشان اور خلیل کے دوستانہ تعلقات تھے، دہشت گردی سے کوئی تعلق نہیں تھا۔
ذیشان کی والدہ نے نجی چینل سے گفتگو کرتے ہوئے کہا کہ میرا بیٹا دہشت گرد نہیں ہے، وہ نیو اسکول ماڈل ٹاؤن سے پڑھا تھا۔
والدہ ذیشان نے بتایا کہ میرا بیٹا ذیشان لائق تھا، دکان پر کمپیوٹر ٹھیک کرتا تھا، لیکن دکان میں آگ لگنے کے بعد سے گھر پر کمپیوٹر ٹھیک کرتا تھا۔
دوسری جانب وزیراعظم عمران خان نے وزیر اعلیٰ پنجاب کو ہنگامی طور پر اسلام آباد طلب کرلیا، وزیراعلیٰ ساہیوال واقعے پر ابتدائی جے آئی ٹی رپورٹ پر بریفنگ دیں گے اور پنجاب پولیس کے نظام میں اصلاحات سے متعلق اہم فیصلے کیے جائیں گے۔
واضح رہے کہ 19 جنوری کو ساہیوال کے قریب سی ٹی ڈی کے مبینہ جعلی مقابلے میں ایک بچی اور خاتون سمیت 4 افراد مارے گئے تھے، عینی شاہدین کا کہنا تھا کہ کار سواروں نے نہ گولیاں چلائیں، نہ مزاحمت کی،جبکہ سی ٹی ڈی نے متضاد بیان دیا تھا۔
from سچ ٹی وی اردو - تازہ ترین خبریں http://bit.ly/2S7PsSu
0 comments: