مختلف قسم کی آوازوں سے الجھن محسوس ہونے کے عارضے پر تحقیق

کیا آپ کو کسی شخص کے چبانے، نگلنے، پینے، انگلیاں بجانے، پین کی ٹک ٹک یا کسی اور معمولی سی آواز سے الجھن محسوس ہوتی ہے؟ آپ ایسے شخص کو چلا کر اسے منع کرنا چاہتے ہیں اور اس سے درشتی سے بات کرنا چاہتے ہیں؟ تو جان لیں کہ آپ ایک دماغی عارضے میں مبتلا ہیں۔

مختلف قسم کی آوازوں سے الجھن محسوس ہونے کا یہ عارضہ مسوفونیا کہلاتا ہے۔

مسوفونیا کا لفظی مطلب ہے آوازوں سے نفرت محسوس ہونا۔

اس کیفیت کے بارے میں سنہ 2000 میں تحقیق شروع ہوئی۔

ماہرین نے جانچنا شروع کیا کہ کس طرح بعض مخصوص آوازوں پر منفی جذبات، خیالات اور جسمانی کیفیات متحرک ہوجاتی ہیں۔

اس کیفیت میں صرف آوازوں سے الجھن ہی محسوس نہیں ہوتی، بلکہ یہ آواز بری طرح اثر انداز ہوتی ہے اور متاثرہ شخص کو لگتا ہے کہ چاروں طرف بس یہی آواز ہے۔

ایسے موقع پر متاثرہ شخص آپے سے باہر ہو کر چیخ چلا سکتا ہے اور اس کا ردعمل تشدد کی صورت میں بھی سامنے آسکتا ہے۔

تاہم اگر آپ اس کیفیت کا شکار ہیں تو آپ کو پریشان ہونے کی ضرورت نہیں، مسوفونیا کوئی باقاعدہ دماغی یا نفسیاتی مرض نہیں۔

ایک اچھی خبر

ماہرین کا کہنا ہے کہ اس کیفیت میں مبتلا افراد کے لیے ایک اچھی خبر یہ ہے کہ ایسے افراد دوسرے افراد کی نسبت ذہین ہوتے ہیں۔

ایسے افراد معمولی آوازوں پر بہت زیادہ غور کرتے ہیں لہٰذا ان کا مشاہدہ عام افراد کی نسبت گہرا ہوتا ہے۔

from سچ ٹی وی اردو - تازہ ترین خبریں http://bit.ly/2RtsDtc

• Tweet
• Share
• Share
• Share
• Share