عزیز میاں قوال کی برسی آج عقیدت و احترام کے ساتھ منائی جا رہی ہے

پرائیڈ آف پرفارمنس عزیز میاں قوال کی 18 ویں برسی کل 6 دسمبر بروز جمعرات کومنائی جارہی ہے ۔ اس موقع پر عزیز میاں قوال کے پرستار وںاور مداحوں کی جانب سے خصوصی تعزیتی تقریبات کا انعقاد کیا جائے گا۔

اللہ ہی جانے کون بشر ہے، یا نبیؐ یا نبیؐ ، شرابی میں شرابی سمیت سینکڑوں قوالیاں گا کر شہرت کی بلندیوں کو چھوتے ہوئے حکومت پاکستان سے 1989ء میں پرائیڈ آف پرفارمنس حاصل کرنے والے ملک کے نامور قوال عزیز میاں 17 اپریل 1942ء کو پید ا ہوئے ۔

ان کا اصل نام عبدالعزیز تھا لیکن وہ عزیز میاں قوال کے نام سے مشہور ہوئے۔ عزیز میاں نے پنجاب یونیورسٹی لاہور سے ایم اے کی ڈگری حاصل کی اور قوالی کے شعبہ کا چنائو کیا۔

عزیز میاں کو یہ اعزاز بھی حاصل تھا کہ انہوںنے اپنی گائی گئی زیادہ تر قوالیوں کی شاعری خود تخلیق کی۔

عزیز میاں نے اپنے منفرد ، بھاری بھرکم ، بارعب انداز گائیکی کے باعث پاکستان سمیت دنیا بھر کے کئی دیگر ممالک میں انتہائی عزت و احترام کی نگاہ سے دیکھے ، جانے ، پہچانے جاتے تھے۔

عزیز میاں 6 دسمبر 2000ء کو 58 برس کی عمر میں مختصر علالت کے بعد اپنے خالق حقیقی سے جا ملے تھے۔

from سچ ٹی وی اردو - تازہ ترین خبریں https://ift.tt/2Qa1Dy5

• Tweet
• Share
• Share
• Share
• Share