نوٹیفکیشن کے مطابق مختلف ٹرینوں کے کرایوں میں اضافے کا اطلاق 7 دسمبر سے ہو گا۔
نوٹیفکیشن کے بعد گرین لائن کا کراچی سے اسلام آباد تک کا کرایہ 540 روپے اضافے سے 5880 روپے ہو گیا ہے۔
کراچی ایکسپریس، بزنس ایکسپریس، شالیمار اور شاہ حسین ایکسپریس کے کرایوں میں 12 فیصد اضافہ کیا گیا ہے۔
پاکستان ریلوے کی جانب سے جاری اعلامیے کے مطابق خیبر میل، عوام ایکسپریس اور علامہ اقبال ایکسپریس کے کرایوں میں 13 فیصد جب کہ تیزگام کی تمام کلاسوں کے کرائے میں 15 فیصد اضافہ کیا گیا ہے۔
نوٹیفکیشن میں بتایا گیا کہ پاکستان ایکسپریس کے کرایوں میں 19 فیصد اور سکھر ایکسپریس کی تمام کلاسوں کے کرائے میں 15 فیصد اضافہ کیا گیا۔
سابق وفاقی وزیر ریلوے خواجہ سعد رفیق
دوسری جانب سابق وفاقی وزیر ریلوے خواجہ سعد رفیق نے کرایوں میں اضافے کو مسترد کرتے ہوئے کہا ہے کہ ریلوے کرایوں میں اضافہ بلا جواز اور افسوسناک قدم ہے اور غریب آدمی کی سواری کو بھی مہنگا کردیا گیا ہے۔
انہوں نے کہا کہ ہمارے دور میں تیل کی قیمت میں اتار چڑھاؤ کے باوجود ریلوے کرایوں میں 28 بار کمی کی گٸی لیکن موجودہ دور میں بے تُکی اور بغیر منصوبہ بندی چلائی گئیں جس کے باعث تمام مسافر ٹرینیں شدید ترین خسارے کا شکار ہیں۔
ریلوے کرایوں میں اضافہ بلا جواز اور افسوسناک اقدام ھے –
— Khawaja Saad Rafique (@KhSaad_Rafique) December 4, 2018
غریب آدمی کی سواری کو بھی مہنگا کر دیا گیا –
ھمارے دور میں تیل کی قیمت میں اتار چڑھاؤ کے باوجود ریلوے کرایوں میں 28 بار کمی کی گٸ -
سابق وفاقی وزیر ریلوے کا کہنا تھا کہ نئی مسافر ٹرینیں بغیر مسافروں کے چلائی جارہی ہیں اور ان کا خسارہ پورا کرنے کیلئے سارے ریلوے سسٹم پر اضافی کرائے کا بوجھ لادنا سخت زیادتی ہے۔
موجودہ دور میں بے تُکی اور
— Khawaja Saad Rafique (@KhSaad_Rafique) December 4, 2018
بلا منصوبہ بندی چلاٸ گئ تمام مسافر ٹرینز شدید ترین خسارے کا شکار ھیں
نٸ مسافر ٹرینز بغیر مسافروں کے چلاٸ جا رھی ھیں
نٸ ٹرینز کا خسارہ پورا کرنے کے لئے سارے ریلوے سسٹم پر اضافی کراۓ کا بوجھ لادنا سخت زیادتی ھے
یاد رہے کہ گزشتہ دنوں وفاقی وزیر ریلوے شیخ رشید نے پریس کانفرنس میں ریلوے کے کرایوں میں اضافے کا اعلان کرتے ہوئے کہا تھا کہ ڈالر مہنگا ہوگیا ہے اس لیے ریلوے کے کرائے میں اضافہ کریں گے۔
from سچ ٹی وی اردو - تازہ ترین خبریں https://ift.tt/2Piterv
0 comments: