کراچی میں چینی قونصل خانے کے قریب دھماکے اور فائرنگ

کراچی میں چینی قونصل خانے کے قریب دھماکے اور فائرنگ کی اطلاعات موصول ہوئی ہیں۔

پولیس حکام کے مطابق چینی قونصل خانے کے قریب ایک دھماکے اور فائرنگ کی آوازیں سنی گئیں، جس کے جواب میں چینی قونصلیٹ پر تعینات سیکیورٹی گارڈ نے بھی جوابی فائرنگ کی۔

پولیس کے مطابق ملزمان کی تعداد 3 سے زائد ہے، جن کے پاس دستی بم اور ہتھیار بھی ہیں۔

عینی شاہدین کے مطابق 3 سے 4 افراد نے قونصلیٹ میں داخل ہونے کی کوشش کی، جس کے بعد دھماکے اور فائرنگ کی آواز سنی گئی۔

واقعے کی اطلاع ملتے ہی پولیس اور رینجرز کی بھاری نفری جائے وقوع پر طلب کرلی گئی، دوسری جانب تمام داخلی و خارجی راستوں کو سیل کرکے قونصلیٹ کی طرف جانے والی ٹریفک روک دی گئی ہے۔

واضح رہے کہ چینی قونصل خانہ سی ویو سے کچھ دور کلفٹن بلاک 4 میں واقع ہے، جہاں غیر ملکی قونصل خانوں سمیت ہائی پروفائل دفاتر واقع ہیں۔

from سچ ٹی وی اردو - تازہ ترین خبریں https://ift.tt/2R7eCgt

• Tweet
• Share
• Share
• Share
• Share