فِن لینڈ کے صدر ساؤلی نینسٹو کو اپنی یاداشت کو کھنگالنا پڑا کہ امریکی صدر کو فن لینڈ میں جنگلوں کی صفائی یا ’ریکنگ‘ کا خیال کہاں سے آیا تاکہ جنگلاتی آگ سے بچا جا سکے۔ ٹرمپ نے ہفتہ 17 نومبر کو جنگلاتی آگ سے بُری طرح متاثر ہونے والے کیلیفورنیا کے شمالی حصے کے دورے کے موقع پر کہا تھا کہ فِن لینڈ میں جنگلاتی آگ کوئی مسئلہ ہی نہیں کیونکہ وہاں کے لوگ جنگلوں سے پتے اور دیگر ٹوٹی ہوئی لکڑیوں وغیرہ کو صاف کرنے کے لیے ’ریکنگ میں‘ کافی زیادہ وقت صَرف کرتے ہیں۔
فِن لینڈ کے کُل 338,000 مربع کلومیٹر رقبے کا 70 فیصد حصہ جنگلات سے گِھرا ہوا ہے۔
Trump: "You gotta take care of the floors. You know the floors of the forest, very important... I was with the President of Finland... he called it a forest nation and they spent a lot of time on raking and cleaning and doing things and they don't have any problem." pic.twitter.com/cC8syQobdC
— Contemptor (@TheContemptor) November 17, 2018
نینسٹو نے ایک ملکی اخبار کو بتایا کہ انہوں نے ٹرمپ کے ساتھ پیرس میں 11 نومبر کو ہونے والی ملاقات کے دوران کیلیفورنیا میں لگنے والی آگ کے موضوع پر بات کی تھی۔ ان کا کہنا تھا کہ انہوں نے تو ٹرمپ کو بتایا تھا کہ فن لینڈ ایک ایسا ملک ہے جو جنگلات میں گِھرا ہوا ہے، لیکن جنگلاتی آگ لگنے کی صورت میں فن لینڈ کے پاس نگرانی کا بہت اچھا نظام اور نیٹ ورک موجود ہے۔
فِن لینڈ کے صدر کے مطابق اس گفتگو کے دوران جنگلات سے پتوں وغیرہ کی صفائی پر تو کوئی بات نہیں ہوئی تھی۔ ان کا کہنا تھا کہ شاید امریکی صدر کو صفائی کا خیال کیلیفورنیا میں آگ سے متاثرہ علاقوں میں صفائی کے کام کو دیکھتے ہوئے آیا ہو۔
ٹرمپ کی طرف سے فِن لینڈ میں صفائی یا ’ریکنگ‘ کے بیان کے بعد سوشل میڈیا پر بھی اس حوالے سے کافی زیادہ اس کا تذکرہ چل رہا ہے جہاں ’’ہیش ٹیگ ریک امیریکا گریٹ اگین‘‘ اور ’’ہیش ٹیگ ریک نیوز‘‘ کافی زیادہ شیئر کیے گئے۔
from سچ ٹی وی اردو - تازہ ترین خبریں https://ift.tt/2DzofAE
0 comments: