Saturday, November 24, 2018

ویسٹ انڈیز کرکٹر سنیل نارائن کا پاکستان آنے کا اعلان

 ویسٹ انڈیز کرکٹر سنیل نارائن
پی ایس ایل فور میں شرکت کے لیے ویسٹ انڈیز کرکٹر سنیل نارائن نے پاکستان آنے کا اعلان کر دیا۔

سنیل نارائن کا اپنے ویڈیو پیغام میں کہنا ہے کہ کوئٹہ گلیڈی ایٹرز کے اسکواڈ کا حصہ بننے پر بہت خوش ہوں، پاکستان میں کھیل کر اپنی ٹیم کو ٹائٹل جتوانا چاہتا ہوں۔ قبل ازیں کوئٹہ گلیڈی ایٹرز کے ڈیوائن براوو پہلے ہی پاکستان آنے کا اعلان کرچکے ہیں۔

یاد رہے کہ گزشتہ برس پی ایس ایل تھری میں کیون پیٹرسن اور شین واٹسن سمیت غیر ملکی کرکٹرز کے پاکستان میں کھیلنے سے انکار کی وجہ سے کوئٹہ گلیڈی ایٹرز کمزور ہوگئی تھی اسی وجہ سے وہ سرفراز احمد کی قیادت میں ٹائٹل جیتنے میں کامیاب نہ ہوسکی۔

فرنچائز کے مالک ندیم عمر نے اس بار مقامی کرکٹرز کے ساتھ صرف ان غیرملکی اسٹارز کو ٹیم میں لینے کا ارادہ ظاہر کیا تھا جو پاکستان میں آکر کھیلنے کو تیار ہوں۔

واضح رہے کہ پاکستان کرکٹ بورڈ نے اس بار پلے آف میچز اور فائنل سمیت 8 مقابلے لاہور اور کراچی میں کرانے کا پلان بنا کھا ہے۔



from سچ ٹی وی اردو - تازہ ترین خبریں https://ift.tt/2P1XxTl

Related Posts:

0 comments:

Popular Posts Khyber Times