چیف جسٹس عامر فاروق نے سماعت کرتے ہوئے سوال کیا کہ عدالت کو بتائیں کہ سابق وزیرِ اعظم کے لیے کیا اور کتنی سیکیورٹی ہے؟ رولز پیش کریں پھر آرڈر جاری کریں گے۔
عمران خان کی جانب سے ان کے وکیل بیرسٹر سلمان صفدر عدالت میں پیش ہوئے جنہوں نے عدالت کو بتایا کہ عمران خان اس کیس میں پیش نہیں ہو سکتے۔
چیف جسٹس عامر فاروق نے کہا کہ جو قانون میں لکھا ہے وہ سیکیورٹی دیں، لاہور کو چھوڑ دیں، اسلام آباد کا بتا دیں، یہ کوئی بڑا مسئلہ نہیں، یہ کیس بھی نمٹایا ہی جائے گا آپ کو بھی پتہ ہے، اس سے متعلق قانون و قاعدہ جو بھی ہے وہ عدالت میں جمع کرا دیں، ایک قیدی اگر جیل میں ہے تو اس کے بھی حقوق ہیں، ہر شخص کے حقوق موجود ہیں، آج ہم جج ہیں کل ہم جج نہیں ہوں گے، ویسٹ آج کیوں ہم سے آگے ہے؟ کیونکہ ان کے رولز ہیں، پچھلی 2، 3 سماعتوں میں فول پروف سیکیورٹی کے آرڈر کہاں ہیں؟
ایڈیشنل اٹارنی جنرل نے سیکیورٹی سے متعلق لیٹر عدالت میں پیش کر دیا۔
چیف جسٹس عامر فاروق نے سوال کیا کہ یہ تو جنرل لیٹر ہے، اس میں سابق وزیرِ اعظم کا ذکر ہے؟ پٹیشنر کے نام سے مخصوص لیٹر کہاں ہے؟
عمران خان کے وکیل نے جواب دیا کہ سیکیورٹی کا کوئی پلان ہی نہیں تھا۔
چیف جسٹس نے استفسار کیا کہ چھوٹی چھوٹی چیزیں سرکارخود کیوں نہیں کرتی؟ کیوں عدالت آنا پڑتا ہے؟ تھریٹ الرٹ سے متعلق آپ کو سیکیورٹی سے متعلق جائزہ لینا ہو گا، جس کا جو قانونی حق ہے وہ اسے ملنا چاہیے، سابق وزیرِ اعظم کو ان کے اسٹیٹس کے مطابق سیکیورٹی ملنی چاہیے۔
from سچ ٹی وی اردو - تازہ ترین خبریں https://ift.tt/4ciRhPz
0 comments: