سیکرٹری الیکشن کمیشن عمرحمید کی جانب سے لکھے گئے خط میں کہا گیا ہےکہ پنجاب اور کے پی میں انتخابات کا معاملہ مختلف عدالتی فورمز پر زیر التوا ہے، الیکشن کمیشن ابھی صدارتی آفس سے مشاورت کے عمل میں داخل نہیں ہوسکتا، الیکشن کمیشن اس متعلق پیرکو اجلاس میں فیصلہ کرےگا۔
خط میں کہا گیا ہے صدر کا دفتر سب سے اعلیٰ آئینی ادارہ ہے، صدر ریاست کے سربراہ ہیں، الیکشن کمیشن صدر مملکت کا احترام کرتا ہے۔
خط کے متن کے مطابق سیکرٹری الیکشن کمیشن کا کہنا ہےکہ الیکشن کمیشن اپنی آئینی اور قانونی ذمہ داری سے آگاہ ہے، گورنر خیبرپختونخوا اور پنجاب نے ابھی تک عام انتخابات کی تاریخ نہیں دی، گورنر پنجاب نے کہا کہ وہ معاملے پر لاہور ہائی کورٹ کے فیصلے سے متعلق قانونی راستہ اختیار کریں گے۔
خط میں کہا گیا ہےکہ الیکشن کمیشن نے لاہور ہائی کورٹ سے رہنمائی کے لیے درخواست دائر کی ہے، پشاور ہائی کورٹ میں بھی 3 درخواستیں دائر ہیں، آئین اسمبلی تحلیل پر الیکشن کمیشن کوپولنگ کی تاریخ کا اعلان کرنےکا اختیار نہیں دیتا۔
اس حوالے سے پی ٹی آئی رہنما فواد چوہدری نے سماجی رابطے کی ویب سائٹ ٹوئٹر پر جاری بیان میں کہا ہے کہ آئین کے آرٹیکل 46 کے تحت کوئی بھی انتظامی ادارہ صدر سے کوئی معلومات نہیں روک سکتا، اس لیے ای سی پی کو صدارتی حکم نامے سے انکار کرنے کا اختیار نہیں ہے کہ وہ اسے انتخابات کی صورتحال سے آگاہ کرے۔
from سچ ٹی وی اردو - تازہ ترین خبریں https://ift.tt/bPs4mpD
0 comments: