لاہور میں نان بائی ایسوسی ایشن نے روٹی اور نان کی قیمت بڑھانے کی تیاری شروع کر دی۔
میڈیا رپورٹس کے مطابق نان بائی ایسوسی ایشن نے روٹی اور نان کی قیمت بڑھانے کے لیے کل اجلاس بلا لیا ہے۔
نان بائی ایسوسی ایشن کا کہنا ہے کہ آٹا اور میدہ مہنگا ہو گیا ہے، گیس بھی نہیں مل رہی، لکڑی اور ایل پی جی مہنگی ہے۔
ایسوسی ایشن نے کہا کہ نان اور روٹی 2 سے 3 روپے مزید مہنگی کرنا پڑے گی۔
صدر نان بائی ایسوسی ایشن آفتاب گل کا کہنا ہے کہ بازار میں گندم کی قیمت آئے روز بڑھ رہی ہے، 15 کلو کا تھیلا 1400 سے 1775 روپے ہو گیا ہے جبکہ فائن میدہ بوری 8500 سے 9500 ہو گئی ہے۔
انہوں نے بتایا کہ گیس بھی نہیں مل رہی، لکڑی اور ایل پی جی مہنگی ہے، نان بائی ایسوسی ایشن نے روٹی نان کی قیمت بڑھانے کے لیے کل اجلاس طلب کیا ہے۔
واضح رہے کہ لاہور میں اس وقت روٹی 14 روپے اور نان 22 روپے میں فروخت ہو رہا ہے۔
from سچ ٹی وی اردو - تازہ ترین خبریں https://ift.tt/wfsmPAe
0 comments: