امریکی شہر بروکلین کے سب وے اسٹیشن پر فائرنگ سے 13 افراد زخمی ہو گئے جب کہ اس مقام سے کئی دھماکہ خیز آلات بھی برآمد ہوئے ہیں۔
بین الاقوامی خبر رساں ادارے کے مطابق حملہ آور نارنجی رنگ کے لباس میں منہ پر گیس ماسک لگائے اسٹیشن میں داخل ہوا، حملہ آور نے فائرنگ سے پہلے ایک ڈبہ اسٹیشن پر پھینکا، جس سے دھواں اٹھنے کی وجہ سے بھگدڑ مچ گئی۔
افراتفری مچنے کے بعد حملہ آور نے اندھا دھند فائرنگ کر دی جس سے 20 افراد زخمی ہو گئے۔ نیویارک پولیس نے فائرنگ کی اطلاع ملنے پر جائے وقوعہ کو گھیرے میں لے لیا۔
پولیس کو ریلوے سٹیشن پر دھماکہ خیز مواد بھی ملا جو پھٹا نہیں، تاہم خدشہ ظاہر کیا جا رہا ہے کہ اگر مواد پھٹ جاتا تو بڑے پیمانے پر جان و مال کا نقصان ہو سکتا تھا۔
پولیس نے واقع کی تحقیقات کا آغاز کر دیا ہے لیکن پولیس تاحال ملزم کو گرفتار نہیں کر سکی۔ انتظامیہ کا کہنا ہے کہ اسپتالوں میں کچھ ذخمیوں کی حالت تشویشناک ہے، لیکن انہیں موت کا خطرہ لاحق نہیں۔
from سچ ٹی وی اردو - تازہ ترین خبریں https://ift.tt/LquHUAt
0 comments: