عالمی خبر رساں ادارے کے مطابق امریکی وزارت خارجہ کے ترجمان نے طالبان کی جانب سے لڑکیوں کے سیکنڈری اسکولوں کو کھولنے کا حکم واپس لینے کو مایوس کن قرار دیتے ہوئے دوحہ میں ہونے والے مذاکرات منسوخ کردیئے۔
وزارت خارجہ کے ترجمان نے کہا کہ لڑکیوں کے سیکنڈری اسکولوں کی بندش کے فیصلے سے امریکا اور طالبان کے درمیان حالیہ رابطوں اور مستقبل میں ہونے والی بات چیت میں بھی خلل پڑے گا۔
ترجمان وزارت خارجہ نے مزید کہا کہ لڑکیوں کے اسکولوں کو کھولنے کے فیصلے کی واپسی سے طالبان کے ساتھ صرف امریکا نہیں بلکہ دنیا بھر کے تعلقات خراب ہوجائیں گے۔
دوحہ میں جاری کانفرنس کی سائیڈ لائن میں طالبان کے اعلیٰ حکام کے ساتھ امریکا اور ورلڈ بینک کے نمائندوں کی ملاقات طے تھے جس میں جنگ زدہ ملک کے عوام کو دوائیں، کھانے پینے کی اشیاء اور مالی امداد کی فراہمی کے روٹ میپ پر بھی بات چیت کرنا تھی۔
واضح رہے کہ طالبان نے افغانستان میں حکومت قائم کرنے کے 7 ماہ کے انتطار کے بعد لڑکیوں کے سیکنڈری اسکول 23 مارچ کو کھول دیئے تھت تاہم اسی روز اسکولوں کو تاحکم ثانی بند کردیا تھا۔
from سچ ٹی وی اردو - تازہ ترین خبریں https://ift.tt/OL2Wc0X
0 comments: