امریکا کے نئے مندوب برائے افغانستان تھامس ویسٹ، طالبان اور افغانستان میں مستقبل کی کسی حکومت کے بارے میں امریکی توقعات واضح کرنے کے لیے رواں ہفتے اسلام آباد پہنچیں گے۔ رپورٹ کے مطابق افغانستان کے لیے امریکی مندوب کی حیثیت سے یہ ان کا پاکستان کا پہلا دورہ ہوگا۔ تھامس ویسٹ زلمے خلیل زاد کی جگہ تعینات ہوئے تھے…
اس معاہدے کے نتیجے میں افغانستان سے امریکی فوجیوں کا مکمل انخلا ہوا اور بائیڈن انتظامیہ کو جنگ زدہ ملک سے افراتفری سے نکلنے میں مدد ملی، ساتھ ہی اس نے کابل پر طالبان کے قبضے کی بھی راہ ہموار کی۔ جب باراک اوباما امریکی صدر تھے اس وقت تھامس ویسٹ نے قومی سلامتی کونسل کے عملے میں زلمے خلیل زاد کے نائب کے فرائض سرانجام دیے تھے۔
An honor to be in Brussels today to consult with Allies and the EU on the way forward in Afghanistan. Visited @NATO HQ’s 9/11 memorial and recalled Allies’ historic invocation of Article V. pic.twitter.com/C31nwMbEpQ
— U.S. Special Representative Thomas West (@US4AfghanPeace) November 8, 2021
نیڈ پرائس کا کہنا تھا کہ ہم اپنے شراکت داروں کے ساتھ مل کر ان توقعات کو واضح کرتا رہیں گے جو ہم طالبان اور مستقبل کی کسی بھی افغان حکومت سے رکھتے ہیں۔
یہ پوچھے جانے پر کہ کیا نیا امن مندوب افغانستان کا دورہ بھی کرے گا، محکمہ خارجہ کے اہلکار نے کہا کہ ’ایسا کرنے کا کوئی ارادہ نہیں ہے.
برسلز سے صحافیوں کے ساتھ ورچوئل بریفنگ کرتے ہوئے تھامس ویسٹ کا کہنا تھا کہ امریکا افغانستان میں داعش کے بڑھتے ہوئے حملوں کے بارے میں پریشان ہے اور القاعدہ کی موجودگی کے حوالے سے بھی شدید تشویش ہے۔
انہوں نے کہا کہ امریکا دوحہ میں طالبان کے ساتھ مذاکرات کے اگلے دور کی تیاری کر رہا ہے لیکن اس نے کوئی تاریخ نہیں بتائی۔
from سچ ٹی وی اردو - تازہ ترین خبریں https://ift.tt/3EZW767
0 comments: