Thursday, October 21, 2021

رہنما پیپلز پارٹی سید خورشید شاہ کو آج رہا کیے جانے کا امکان

رہنما پیپلز پارٹی سید خورشید شاہ کو آج رہا کیے جانے کا امکان

پیپلزپارٹی کے رہنما خورشید شاہ کو آج رہا کیے جانے کا امکان ہے ، سپریم کورٹ نے خورشید شاہ ضمانت منظورکرتے ہوئے ایک کروڑ روپے کے مچلکے جمع کرانے اور نام ای سی ایل میں رکھنے کا حکم دیا تھا۔

تفصیلات کے مطابق پیپلزپارٹی کے رہنما خورشید شاہ کی آج رہائی کاامکان ہے، وکیل کا کہنا ہے کہ احتساب عدالت سکھر میں ضمانتی مچلکے جمع کروائے جائیں گے، ضمانتی مچلکے جمع ہونے کے بعد رہائی کا آرڈر جاری ہوگا۔
یاد رہے دو روز قبل سپریم کورٹ نے پی پی رہنما خورشید شاہ کی ضمانت منظورکرتے ہوئے ایک کروڑروپےکےمچلکے جمع کرانے اورنام ای سی ایل میں رکھنے کاحکم دیا تھا۔

عدالت نےریمارکس میں کہا تھا فی الحال خورشیدشاہ کو مزید قید رکھنے کا جواز نظر نہیں آتا، نیب تحقیقات جاری رکھے۔

اس سے قبل سندھ ہائی کورٹ نے جولائی میں پیپلز پارٹی کے رہنما خورشید شاہ کی درخواست ضمانت مسترد کر دی تھی، جسے انھوں نے سپریم کورٹ میں چیلنج کیا تھا۔

خیال رہے خورشید شاہ کو نیب نے 18 ستمبر 2019 کو اسلام آباد سے گرفتارکیا تھا ، خورشیدشاہ اور دیگر پر ایک ارب23کروڑکااثاثہ جات ریفرنس دائرہے اور 2 سال ایک ماہ چار روزسے زیر حراست ہیں۔



from سچ ٹی وی اردو - تازہ ترین خبریں https://ift.tt/3bg2TIh

Related Posts:

0 comments:

Popular Posts Khyber Times