پاکستان نے جموں و کشمیر پر قابض بھارتی فورسز کی جانب سے تحریک آزادیِ کشمیر کے سینئر رہنما سید علی گیلانی کے جسد خاکی کو چھینے جانے کی شدید الفاظ میں مذمت کی ہے۔
ترجمان دفتر خارجہ کی جانب سے سوشل میڈیا پر جاری بیان میں کہا گیا ہے کہ پاکستان قابض بھارتی فورسز کی جانب سے سید علی گیلانی کے اہل خانہ سے سینئر حریت رہنما کے جسد خاکی کو چھینے جانے کے سفاکانہ عمل کی بھرپور مذمت کرتا ہے۔
دفتر خارجہ کی جانب سے جاری بیان میں مزید کہا گیا ہے کہ بین الاقوامی برادری کو بھارت کے زیر انتظام جموں و کشمیر کی ابتر صورت حال کا ناصرف نوٹس لینا چاہیے بلکہ بھارت کو بین الاقوامی انسانی حقوق کی سنگین خلاف ورزیوں کا مرتکب ٹھہرانا چاہیے۔
We strongly condemn the barbaric act of snatching of mortal remains of #SyedAliShahGeelani from his family by Indian Occupation Forces. Int’l community must take note of this egregious situation in #IIOJK & hold India to account for its breaches of int’l HR & humanitarian laws.
— Spokesperson ?? MoFA (@ForeignOfficePk) September 2, 2021
خیال رہے کہ تحریک آزادیِ کشمیر کے سینئر رہنما سید علی گیلانی طویل علالت کے بعد گزشتہ روز خالق حقیقی سے جا ملے تھے اور ان کے اہل خانہ وصیت کے مطابق سید علی گیلانی کو مزار شہداء قبرستان سری نگر میں دفن کرنا چاہتے تھے لیکن بھارتی فورسز نے سید علی گیلانی کے اہل خانہ سے حریت رہنما کا جسد خاکی چھین کر انتہائی سخت سکیورٹی میں نامعلوم مقام پر ان کی تدفین کر دی۔
from سچ ٹی وی اردو - تازہ ترین خبریں https://ift.tt/3ByiDkF
0 comments: