چیف آف آرمی اسٹاف جنرل قمر جاوید باجوہ نے منشیات فروشوں کو قومی سلامتی کے لیے خطرہ قرار دے دیا۔
پاک فوج کے شعبۂ تعلقات عامہ (آئی ایس پی آر) کے مطابق آرمی چیف جنرل قمرجاوید باجوہ نے اے این ایف ہیڈکوارٹرزکا دورہ کیا، جہاں ڈی جی اے این ایف نے اُن کا استقبال کیا۔
حکام نے آرمی چیف کو آپریشنل امور پر تفصیلی بریفنگ دی۔ جنرل قمر جاوید باجوہ انسداد دہشت گردی کیلئے اے این ایف کے کردار کو سراہا۔
چیف آف آرمی اسٹاف کا کہنا تھا کہ ’منشیات کامکروہ دھندہ کرنے والے قومی سلامتی کیلئےخطرہ اور منشیات تیار کرنے والےانسانیت کے دشمن ہیں‘۔
انہوں نے کہا کہ ’منشیات کا پیسہ دہشت گردی کو تقویت دینےکیلئے استعمال کیا جا رہا ہے، ہمیں منشیات فروشوں سے آہنی ہاتھوں سے نمٹنا ہوگا‘۔
قبل ازیں چیف آف آرمی اسٹاف نے جی ایچ کیو میں جنوبی افریقا کی مسلح افواج کے سربراہ سے ملاقات کی، جس میں دو طرفہ اور فوجی تعلقات بڑھانے پر غور کیا گیا۔
from سچ ٹی وی اردو - تازہ ترین خبریں https://ift.tt/3BQgiCE
0 comments: