پاکستان پیپلزپارٹی کے رہنما اور ایوان بالا (سینیٹ) کے سابق چیئرمین سینیٹر رضا ربانی نے وفاقی حکومت سے میانمار کی شیڈو حکومت کو تسلیم کرنے کا مطالبہ کردیا۔
اپنے بیان میں رضا ربانی نے کہا کہ میانمار میں فوج کی جانب سے جمہوری حکومت کا تختہ الٹنے کے بعد قومی اتحاد کی حکومت ملک میں ہنگاموں کے نتیجے میں بنی ہے۔
انہوں نے کہا کہ میانمار میں فوج کے ہاتھوں لوگوں کے خلاف ظالمانہ کریک ڈاؤن کیا جا رہا ہے جو جمہوریت، آئین اور قانون کی حکمرانی کیلئے احتجاج کر رہے ہیں۔
رضا ربانی کا کہنا تھاکہ یہ بات خوش آئند ہے کہ نیشنل لیگ برائے جمہوریت نے روہنگیا کہ ساتھ برتاؤ میں اپنی غلطی کو تسلیم کیا اور یہ روہنگیا کی جانب سے سمجھداری ہوگی کہ وہ نیشنل لیگ برائے جمہوریت کی جانب سے پیشکش کو قبول کرے۔
ان کا کہنا تھاکہ روہنگیا جمہوری جدوجہد میں اس یقین دہانی پر شرکت کرے کہ روہنگیا مہاجر جمہوری میانمار میں واپس آئیں گے۔
from سچ ٹی وی اردو - تازہ ترین خبریں https://ift.tt/3vS020M
0 comments: