سندھ حکومت نے کورونا کے پھیلاؤ کے خطرے کے پیش نظر 15اپریل تک اسمارٹ لاک ڈاؤن کا فیصلہ کرلیا ، تمام کاروباری مراکز رات 10 بجے بند کرنا ہوں گے جبکہ شادی ہالزمیں کھانا کھلانے پر پابندی ہوگی۔
سندھ حکومت نے بھی ملک میں کورونا کی شدت میں اضافے کے پیش نظر 15اپریل تک اسمارٹ لاک ڈاؤن کا فیصلہ کرتے ہوئے نوٹی فیکشن جاری کردیا ہے۔
نوٹی فکیشن میں کہا گیا ہے کہ اسمارٹ لاک ڈاؤن میں شادی ہالزمیں کھانا کھلانے پر پابندی ہوگی تاہم شادی کی دعوت میں 300 افراد بلائے جاسکیں گے۔
نوٹیفکیشن میں بتایا گیا کہ تمام کاروباری مراکز رات 10 بجے بند کرناہوں گے ، تمام کاروباری مراکز صبح 6 بجے سے رات 10 بجے بند تک کھولے جاسکتے ہیں۔
جاری نوٹی فیکشن کے مطابق ہوٹل،ہالز میں ڈائننگ پرپابندی کے ساتھ ساتھ سرکاری و نجی دفاتر میں 50فیصد اسٹاف بلانے کی اجازت ہوگی جبکہ میڈیکل اسٹورز ، کلینک ، اسپتال،بیکری، پیٹرول پمپس کو استثنیٰ ہوگا۔
سندھ حکومت کا کہنا ہے کہ تمام تفریحی پارک 6بجے بند کردئیے جائیں گے ،سیمینا،تھیٹر ،مزارات میں آنے سمیت انڈرو کھیلوں پر بھی پابندی عائد ہو گی اور ماسک پہنا لازمی قرار دیا گیا ہے اور کہا گیا ورک فروم ہوم پر عمل کیاجائے۔
خیال رہے ملک میں کوروناکی تیسری لہرتشویشناک ہونے لگی ہے ، 24گھنٹوں میں کورونا مثبت آنےکی شرح 5.11 فیصد رہی جبکہ کورونا کے مزید29 مریضوں کاانتقال اور 2253 نئے کیسز رپورٹ سامنے آئے۔
from سچ ٹی وی اردو - تازہ ترین خبریں https://ift.tt/2Q03Exv
0 comments: