کورونا وائرس سے مرنے والوں کی تعداد میں اضافہ ہوتا جارہا ہے، چوبیس گھنٹے کے دوران مزید 105 کرونا مریض دم توڑ گئے۔ نیشنل کمانڈ اینڈ آپریشن سینٹر نے کورونا وائرس سے ہونے والی اموات اور نئے کیسز سے متعلق اعداد و شمار جاری کردئیے، اعداد و شمار کے مطابق ملک بھر میں 24 گھنٹے کے دوران 2 ہزار 731…
این سی او سی کا کہنا ہے کہ ملک میں گزشتہ ایک روز میں مہلک وبا میں مبتلا 105 افراد زندگی بازی ہارگئے جن کے بعد کورونا وائرس سے مرنے والوں کی تعداد 9 ہزار 10 ہوگئی۔
این سی او سی نے اعداد و شمار میں بتایا ہے کہ گزشتہ چوبیس گھنٹے کے دوران 2 ہزار 731 نئے کیسز رپورٹ ہوئے ہیں جس کے بعد ملک بھر میں کورونا وائرس کے فعال کیسز کی تعداد 48 ہزار 369 ہوگئی۔
اچھی خبر یہ ہے کہ ملک میں کورونا وائرس سے صحت یاب ہونے والے افراد کی تعداد میں بھی تیزی سے اضافہ ہورہا ہے جو تین لاکھ 88 ہزار 598 تک پہنچ گئی ہے۔
این سی او سی کے مطابق ملک میں 24 گھنٹے کے دوران 38 ہزار 28 کرونا ٹیسٹ کیے گئے جبکہ اب تھ ملک بھر میں 61 لاکھ 799 کرونا ٹیسٹ کیے جاچکے ہیں۔
from سچ ٹی وی اردو - تازہ ترین خبریں https://ift.tt/3p2mssp
0 comments: